MAHTE 22:30 - Jinghpaw Common Language Bible 2009

³⁰ Hpa majaw nga yang, si mat ai ni bai hkrung rawt ai shaloi, shanhte gaw lamu kasa ni zawn rai nna, num la num ya ai lam n galaw na ma ai.

Jinghpaw Hanson Version Bible

³⁰ kaning rai nme law, bai hkrung rawt ai hta e, shanhte gaw, num la num ya ai n rai na ma ai: shanhte gaw sumsing lamu hta e, lamu kasa ni zawn rai nga ma ai.

MAHTE 22:30 ပူးပေါင်းရင်းမြစ်များ

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

ZEHKARIA 3:7

Chyahtum Chyalai N-gun Rawng ai dai Madu ning nga tsun nu ai ga tsun dan wu ai: “Ngai nang hpe lit jaw ai amu ni hpe hkan galaw nna nye a tara ni hpe madat mara ndai rai yang, nye a Nawku Htingnu hte de a wang ni hpe matut nna woi hpareng lu na rai ndai. Ngai gaw nye a man e nga nga ai lamu kasa ni a hpyi nem ai ga ni hpe na ya ai zawn, na a hpyi nem ai ga ni hpe mung na ya na nngai.

MAHTE 13:43

Dai shaloi, ding hpring ai ni gaw shanhte a Kawa a Mungdan hta e ajan zawn htoi kabrim na mara ai; na tu ai wa gaw na la u ga.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 22:31

Ya, si ai ni bai hkrung rawt wa na lam hte seng nna, nanhte hpe Karai Kasang tsun dan ai ga nanhte n hti yu myit ni? Shi gaw, ‘Ngai gaw Abraham a Karai Kasang, Isak a Karai Kasang, Yaku a Karai Kasang rai nga nngai,’ nga nna tsun ai.

MAHTE 24:38

Sha-u garai n ing ai nhtoi ni hta masha ni gaw Noa hte nta masha ni sanghpaw li de shang wa ai nhtoi du hkra, lu lu sha sha, num la num ya, rai nga ma ai.

LUKA 17:27

Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.