MAHTE 22:24 - Jinghpaw Common Language Bible 2009

²⁴ Shanhte gaw, “Sara e, masha langai ngai kasha garai n kap ai si mat wa ai rai yang, shi a kanau gaw karat hpe lu la na rai nna, shan kasha lu ai hte kahpu a matu htinggaw shachyaw u ga, nga nna Mawshe htet da mi ai.

Jinghpaw Hanson Version Bible

²⁴ “Sara e, masha langai ngai kasha garai n kap ai si mat timung shi a kanau gaw karat hpe kahkyin la lu na rai nna, kahpu a matu htinggaw shachyaw u ga,” nga nna Mawshe htet da mi ai.

MAHTE 22:24 ပူးပေါင်းရင်းမြစ်များ

NINGPAWT NINGHPANG 38:11

Dai hpang Yuda gaw shi a kanam Htama hpe, “Ngai sha Shela kaba wa ai aten du hkra gaida tai nna, na nwa a nta de wa nhtang nga su,” ngu nna tsun wu ai. Shela chyawm gaw shi a kahpu yan zawn sat kau hkrum na hpe hkrit ai majaw shi dai ga hpe tsun wu ai. Shing rai Htama mung shi kawa a nta de wa mat wu ai.

NINGPAWT NINGHPANG 38:8

Dai hpang Yuda gaw Era a kanau Onan hpe, “Na nhpu a gaida jan kaw sa shang yup su. Shi madu wa a kanau zawn shi hpe kahkyin ra ai na a lit hpe jahpring shatsup u, na nhpu a amyu matu ni matut lu na rai ndai,” ngu nna tsun wu ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

MAHTE 22:25

Ning re ai yan nau ni marai sanit anhte hte rau nga nga ma ai. Shawng na kahpu kaba wa hkungran nna matu mara n kap ai si mat wa sai; shing rai kanau wa gaw gaida bai hta wu ai.

MAHTE 22:36

shi gaw, “Sara e, jep ai Tara hta na grau kaba ai tara gaw gara mahtang rai nga a ta?,” ngu nna san mu ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MARKU 12:19

“Sara e, masha langai mi kasha garai n kap ai si mat wa ai rai yang, ngam nga ai madu jan hpe shi a kanau gaw dai gaida hpe hta la lu na rai nna lu wa ai kasha hpe kahpu a matu mara hku sawn shachyaw ya u ga, nga nna Mawshe gaw anhte a matu ka da ya mani ai.

LUKA 20:28

“Sara e, ‘num lu ai kahpu wa, kashu kasha n kap ai si mat wa yang gaw, kahpu a gaida hpe kanau wa hta nna kahpu a matu mara shachyaw u ga,’ nga nna Mawshe gaw anhte a matu ka da ya mani ai.

LUKA 20:33

Dai rai nna, dai si ai kaw na bai hkrung rawt ai shani, dai numsha gaw dai ni hta na gade a madu jan mahtang tai na rai ta? Hpa majaw nga yang, marai sanit a madu jan tai yu sai,” ngu nna shi hpe san yu mu ai.

LUKA 6:46

“Ngai tsun ai hte maren n hkan galaw myit dai mi hpa rai nanhte ngai hpe Madu e, Madu e, nga myit ta?

RUHTA 1:11

Naomi gaw, “Ngai nam yan e, nan nhtang wa lu na rai myit dai,” ngu nna htan wu ai. Shi gaw, “Nan ngai kaw hpa majaw hkan nang mayu myit ni? Nan a madu wa tai ya na matu, ngai kasha bai lu ya lu na re ngu nan myit lu nga myit ni?

RUHTA 3:13

Dai na gaw, nang ndai shara hta naw nga u; hpawt de na aten hta na a matu shi lit la na, n la na lam ni hpe anhte san sagawn yu na ga ai. Shi lit la na rai jang mung rai nu ga; dai gaw kaja nga ai. Shi lama lit n la mayu ai rai yang, ahkrung nga ai Karai Kasang hta ga shaka la nhtawm ngai nang hpe lit la lanu lahku na nngai. Ya gaw, nang ndai shara hta jahpawt du hkra naw yup nga u,” ngu nna tsun wu ai.

RUHTA 4:5

Bua gaw, “Grai kaja sai, nang lama rai nna Naomi kaw na yi dai hpe mari shaw la ai shaloi, Moba masha gaida Ruhta hpe mung nang mari la ra nga ndai. Dai yi gaw n nga mat wa sai masha wa a dinghku hta ngam nga na ra ai,” ngu nna tsun wu ai.