MAHTE 22:16 - Jinghpaw Common Language Bible 2009

¹⁶ Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

Jinghpaw Hanson Version Bible

¹⁶ Shaloi shanhte gaw, tinang a sape ni hte Herodi ngu ai ni hpe shi hpang de shangun dat mu ai rai nna, “Sara e, nang tengman nga ndai hte, Karai Kasang a lam hpe teng teng sharin shaga nga ndai rai nna, masha a myi man hpe n tau yu ai sha, kadai hpe mung nang n agam nga ndai gaw, anhte chye nga ga ai:

MAHTE 22:16 ပူးပေါင်းရင်းမြစ်များ

1 HKAWHKAM 22:14

Rai ti mung Mihkaia mahtang, “Ngai gaw shi e ngai hpe tsun ai hte sha ngai tsun na we ai gaw ahkrung nga ai dai Madu hta ngai ga sadi tawn da nngai!,” ngu nna htan wu ai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

GA SHAGAWP 29:5

Na a manang ni hpe nang abawk ai rai yang, na a matu, nang mahkam hkam la nga ndai.

MALAHKI 2:6

Shanhte gaw shut ai lam hpe n rai, jaw ai lam sharin ya ma ai. Shanhte gaw ngai sharawng awng ai hku nga ma ai; shanhte gaw shanhte hkum nan jaw ai amu sha galaw ma ai n rai, masha law law ni hpe mung n hkru ai amu jahkring kau na matu karum nga ma ai.

MALAHKI 2:9

Dai rai nna, ngai gaw Israela amyu masha ni hpe lang let nanhte hpe nhpu nru di shangun na made ai, hpa majaw nga yang nanhte gaw nye a myit n hkan ai sha, nye a amyu masha ni hpe sharin achyin ai shaloi masha shagu hpe maren mara n di nga myit dai.”

MAHTE 22:24

Shanhte gaw, “Sara e, masha langai ngai kasha garai n kap ai si mat wa ai rai yang, shi a kanau gaw karat hpe lu la na rai nna, shan kasha lu ai hte kahpu a matu htinggaw shachyaw u ga, nga nna Mawshe htet da mi ai.

MAHTE 22:26

Dai hte maren, hpang na wa mung, masum ngu na wa mung, dai sanit du hkra shi hpe hta da mu ai.

MAHTE 26:18

Shi gaw, “Dai mare hta na masha langai mi kaw sa nna, ‘Sara tsun dat mi ai gaw, nye a ahkying ni wa sai, na a nta e nye a sape ni hte rau dai Shalai wa ai Poi hpe ngai sha na nngai,’ nga ai ngu nna shi hpe tsun mu,” ngu dat wu ai.

MAHTE 26:49

Yuda gaw Yesu kaw hkre di sa nna, “Sara e, nang hta ngwi pyaw nga n ga law!,” ngu nna shi hpe pup wu ai.

MARKU 10:17

Yesu bai hkawm sa wa na matu pru sa wa magang nga yang, masha langai mi shi kaw gat sa du nna, shi a man e hput di let, “Mai kaja ai Sara e n htum n wai asak lu la hkra, ngai hpa mi galaw na rai ta?,” ngu nna shi hpe san wu ai,

MARKU 12:13

Dai hpang shanhte gaw, Hparishe nkau mi hte Herod a hpung kaw na masha nkau mi hpe Yesu hpang de sa nna ga san ni hte mara rim na matu shangun dat mu ai.

MARKU 12:14

Shanhte shi kaw du nna, “Sara e, nang gaw masha ni hpa myit nga ai hpe hpa zawn n nawn ai sha, teng man ai lam hpe nang tsun nga ndai hpe anhte chye nga ga ai. Nang gaw masha a myi nan n tau ai sha, masha a matu Karai Kasang a myit ra ai lam hpe teng man ai hku sharin shaga nga ndai. Kehta Hkawhkam kaw hkanse bang ai rai yang, anhte a tara hte nhtan shai a ni? Anhte bang na rai kun? N bang na rai kun? Anhte hpe tsun dan mi,” ngu nna tsun mu ai.

MARKU 3:6

Dai rai nna Hparishe ni gaw tara jawng na pru mat wa nhtawm Herod a hpung masha ni hte kalang ta sa hkrum nna Yesu hpe kaning di sat kau lu na lam ni bawng ban nga ma ai.

MARKU 8:15

Yesu gaw shanhte hpe, “Nanhte gaw Hparishe ni a matsi hte Herod a matsi hpe sadi let koi gam nga mu,” ngu nna sadi jaw mu ai.

LUKA 20:21

Dai kin-yu ni gaw, “Sara e, nang tsun sharin shaga ai lam ni gaw teng man nga ai hpe anhte chye ga ai. Nang gaw masha langai mi a arawng aya madang hpe myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai gaw anhte chye ga ai.

LUKA 7:40

Yesu gaw htan let shi hpe tsun wu ai gaw, “Simun e, ngai nang hpe tsun na lam lama mi lu nngai,” ngu wu ai. Simun gaw, “Rai sa, sara e, tsun rit,” ngu wu ai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 18:37

Dai re ai majaw Pilat gaw, “Rai taw, nang hkawhkam langai mi rai nga n ni?,” ngu nna san wu ai. Yesu gaw, “Ngai hkawhkam langai mi re ai nga nna nang tsun nga ndai. Ngai gaw dai teng man ai lam hkaw tsun na yaw shada ai lam langai mi a matu ngai shangai chyinghkai wa ni ai hte mungkan ga de du sa ring ngai. Dai teng man ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 7:18

Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 4:2

Anhte gaw makoi magap ip da ai kaya kahpa amu nlang hte hpe rap di kau sagaw ai; anhte gaw hkalem hkalau ai hku n galaw ga ai, Karai Kasang a mungga hpe mung masu magaw gale galau n tsun ga ai. Anhte gaw Karai Kasang a man e dai teng man ai lam a nhtoi hta asak hkrung shamu shamawt nna masha hkum shagu a htauli htaula myit hte htap htuk ai hku nga ga ai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

GALATI 2:6

Arawng lu ai ningbaw ningla n san ai ni - shanhte kaja wa ningbaw ningla ni re ai n re ai gaw nye a matu hpa laklai ahkyak n rai nga ai; hpa majaw nga yang Karai Kasang gaw shinggan lam mu mada ai hku yu nna n daw dan ai. Dai arawng lu ai n san ai ningbaw ningla ni gaw ngai hpe hpaji jaw ai lam ningnan hpa mi n nga ai.

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

1 HTESALONI 2:4

Shing rai na malai anhte gaw Karai Kasang tsun shangun ai hte maren galoi mung atsun nga ga ai; hpa majaw nga yang, Karai Kasang gaw anhte hpe gingdan ai ni re ai lam jep sagawn mu chye lu sai rai nna, dai Kabu Gara Shiga hkaw tsun na matu kam da mani ai. Anhte gaw masha hpe sharawng awng shangun na shakut ga ai n rai, anhte a maw mawn ai myit hpe manaw jep yu ai Karai Kasang hpe sharawng awng shangun na matu she shakut ga ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.