MAHTE 21:41 - Jinghpaw Common Language Bible 2009

⁴¹ Shanhte gaw, “Dai n hkru ai masha ni hpe shi teng teng sat kau na mu ai rai nna, sabyi mangai aten hta jaw ra ai asi hkrak hkrak jaw lu ai sun galaw masha kaga ni hpe, dai sun htawt shap ya na ru ai,” ngu nna shi hpe htan mu ai.

Jinghpaw Hanson Version Bible

⁴¹ Shanhte gaw, “Shi dai nkru ai ni hpe, n hkru ai hku jahten kau na mu ai rai nna, aten ram jang shi hpe asi jaw lu ai masha kaga hpe, dai sun htawt shap ya na ru ai,” ngu nna shi hpe htan mu ai.

MAHTE 21:41 ပူးပေါင်းရင်းမြစ်များ

SHAKAWN KUNGDAWN 2:9

Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

ESAIA 65:15

Lata la hkrum sai nye a amyu masha ni gaw na a mying hpe dagam dala ga hku lang wa na mara ai. Tsaw Htum ai dai Madu ngai gaw nang hpe sat kau na nngai. Rai ti mung ngai gaw nye a ga madat mara ai ni hpe mying nnan jaw na nngai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

ZEHKARIA 12:12

Dai mungdan hta nga ai dinghku shagu mung tinang nang a dinghku hku hkan nna hkrap ngu hkrap ngoi na mara ai. Dawi kaw na yu hkrat wa ai dinghku mung, Nahtan kaw na hkrat ai dinghku mung, Lewi kaw na hkrat ai dinghku mung, Shime kaw na hkrat ai dinghku hte kaga dinghku ni yawng lawm nga ai. Dinghku shagu gaw tinang dinghku hku hkan nna hkrap ngu hkrap ngoi na mara ai; dinghku shagu na lasha ni mung numsha ni hte kaga ga rai hkrap ngu hkrap ngoi na mara ai.

ZEHKARIA 13:8

Mungdan ting na nye a amyu masha ni hpe ngai htim gasat na nngai; shaloi htam masum na htam lahkawng si htum mat na mara ai.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:40

“Dai rai nna sun madu wa bai du wa yang, ndai sun galaw ai ni hpe shi kaning di na mu ta?,” ngu nna san mu ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

LUKA 20:16

“Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,” ngu mu ai. Dai ga na ai ni gaw, “Dai hku n rai u ga,” nga ma ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 18:6

Yuda masha ni Pawlu hpe ninghkap nna shi a lam n kaja ai hku amyu myu roi n ra nga tsun jahpoi asawng ma yang, Pawlu gaw shi a hpun palawng kaw na nhpu ni hpe ahpu jahkrat dan let, “Nanhte hten byak mat ai rai yang nanhte a mara nanhte a ntsa she rai nu ga, ngai hta lit n nga sai. Ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

KASA 28:28

Hpungdim hku nna Pawlu gaw, “Dai re ai majaw Karai Kasang a hkye hkrang la ai mungga hpe maigan amyu ni hpang de jaw dat nu ai rai nna shanhte mahtang madat mara hta la na mara ai gaw nanhte nan chye nga mu law!,” ngu mu ai.

KASA 28:8

Popli a kawa gaw, hkali hte kan hkyeng ana byin nna yup ra hta taw nga ai. Pawlu gaw dai wa kaw shang nna akyu hpyi ai hte shi a ntsa e lata mara ya nna, shi hpe shamai ya wu ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.