MAHTE 21:40 - Jinghpaw Common Language Bible 2009

⁴⁰ “Dai rai nna sun madu wa bai du wa yang, ndai sun galaw ai ni hpe shi kaning di na mu ta?,” ngu nna san mu ai.

Jinghpaw Hanson Version Bible

⁴⁰ Dai rai nna, sun madu wa bai du wa yang, ndai sun galaw ai ni hpe, kaning di na wu ta?” ngu nna san wu ai.

MAHTE 21:40 ပူးပေါင်းရင်းမြစ်များ

ESAIA 5:3

Dai rai nna nye a manang wa gaw, “Nanhte Yerusalem hte Yuda mung hta shanu nga ai amyu masha ni e, sabyi sun hte nye a lapran na lam hpe jeyang ya mi.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:39

Shing rai shanhte shi hpe rim la nna, sun shinggan de shapraw nhtawm, sat kau mu ai.

MAHTE 21:41

Shanhte gaw, “Dai n hkru ai masha ni hpe shi teng teng sat kau na mu ai rai nna, sabyi mangai aten hta jaw ra ai asi hkrak hkrak jaw lu ai sun galaw masha kaga ni hpe, dai sun htawt shap ya na ru ai,” ngu nna shi hpe htan mu ai.

MARKU 12:9

“Dai shaloi sabyi sun madu gaw, kaning di na mu ta? Shi sa du nna dai sun galaw ai ni hpe sat kau nhtawm, dai sun masha kaga ni hpe htawt shap ya na ru ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!