MAHTE 21:38 - Jinghpaw Common Language Bible 2009

³⁸ Rai ti mung, sun galaw ai ni dai kasha hpe hkap mu jang, ‘Ndai wa gaw sun madu a kasha rai nna sali wunli dagraw na wa rai nga ai, sa marit shi hpe sat kau nna shi a sali wunli anhte la kau ya gaw,’ nga nna shada da bawng dup la ma ai.

Jinghpaw Hanson Version Bible

³⁸ Sun galaw ai ni mahtang dai kasha hpe hkap mu jang, “Ndai wa gaw, sali wunli dagraw na wa rai nga ai; sa marit, shi hpe sat kau ga, shi a sali wunli anhte la kau ya gaw, nga nna shada da dup la ma ai:

MAHTE 21:38 ပူးပေါင်းရင်းမြစ်များ

2 SAMUELA 14:7

Ya rai yang mung, Madu e, nye a amyu makyin jinghku ni ngai hpe nhtang gumlau nhtawm shi a kahpu hpe sat kau ai a majaw shi hpe mung sat lu na matu shanhte a lata de nye a kasha hpe ap ya na hpyi nga ma ai. Dai zawn shanhte galaw ma ai rai yang gaw shadang sha langai mi mung n lu mat ai sha kau da ai hkrum na nngai. Nye a hpang jahtum na myit mada lam hpe jahten sharun kau ya nna nye a madu wa a mying ahkrung nga shangun na matu shi a amyu matu shadang sha hpe jahtum kau ya na mara ai,” ngu nna htan wu ai.

1 HKAWHKAM 1:12

Na a asak hte na a kasha Shawlumon a asak hpe nang hkye la mayu ai rai yang, ngai nang hpe hpaji jaw de ga;

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:37

Yawng a hpang jahtum, ‘Ngai sha hpe mahtang shanhte hkungga na ma ai,’ nga nna shi a kasha hpe shanhte hpang de shangun dat wu ai.

MAHTE 21:39

Shing rai shanhte shi hpe rim la nna, sun shinggan de shapraw nhtawm, sat kau mu ai.

LUKA 20:14

Rai ti mung, sun galaw ai ni dai kasha wa hpe mu jang, ‘Ndai wa gaw sun madu a kasha rai nna, sali wunli dagraw na wa rai nga ai. Dai sali wunli anhte lu la ya hkra, shi hpe sat kau ga,’ nga nna shada da bawng la nhtawm,

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.