MAHTE 21:32 - Jinghpaw Common Language Bible 2009

³² Hpa majaw nga yang, hkalup sara Yawhan gaw nanhte kaw sa nna teng man ai lam hpe hkap la na matu madun dan nga ai hpe nanhte n kam sham myit dai, rai ti mung kang hta ai ni hte shawa num ni chyawm gaw shi hpe kam sham ma ai.

Jinghpaw Hanson Version Bible

³² Kaning rai nme law, Yawhan gaw dinghpring ai lam hpe hkan let, nanhte kaw du sai rai timung, nanhte shi hpe n kam mu ai; kang hta ai ni hte shawa num ni chyawm gaw, shi hpe kamsham ma ai: nanhte mahtang dai hpe mu myit timung, shi hpe kamsham na matu, myit malai bai lu na myit dai n rai.

MAHTE 21:32 ပူးပေါင်းရင်းမြစ်များ

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

MAHTE 11:18

Yawhan du sa nna lu sha gam let sabyi n lu ai sha nga ai shaloi, ‘Shi nat kap ai wa rai nga ai,’ nga nna masha shagu tsun ma ai.

MAHTE 21:25

Yawhan hkalup jaw ai ahkang aya gaw Karai Kasang kaw na rai ni? Masha kaw na rai ni?,” ngu nna san mu ai. Shanhte mahtang shada da bawng nna, “Anhte kaning ngu tsun na rai ta? ‘Karai Kasang kaw na re,’ ngu nna anhte tsun gaw yang, shi anhte hpe, ‘Dai rai yang, nanhte Yawhan hpe hpa rai n kam myit ta?,’ nga nna htan na ra ai.

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

2 PETRU 2:21

Ding hpring ai lam hpe chye chyang la nhtawm shanhte hpe ap ya da sai dai chyoi pra ai hkang da ai ga hpe tawt lai kau ai hta, dai lam hpe n chye ai sha nga na mahtang gaw grau mai nga ai.

SHINGRAN 2:21

Ngai shi hpe yubak mara ni kaw na myit malai lu na aten jaw da rai ti mung, shi a hpye ai amu lam hta na myit malai n lu hkraw nga ai.