MAHTE 21:31 - Jinghpaw Common Language Bible 2009

³¹ Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

Jinghpaw Hanson Version Bible

³¹ “Dai yan hta na kadai wa mahtang kawa a myit hkan shatsup lu a ta?” ngu nna san wu ai. Shanhte gaw, “Kasha shadoi mahtang rai nga ai,” ngu mu ai. Yesu gaw, “Ngai nanhte hpe teng teng tsun made ai gaw, Kang hta ai ni hte shawa num ni, nanhte a shawng e, Karai Kasang a mungdan hta shang shang rai ma ai.

MAHTE 21:31 ပူးပေါင်းရင်းမြစ်များ

YOBA 15:6

Nang hpe daw dan na nye a matu hpa mung n ra nga ai; nang tsun ai ga shagu a majaw daw dan ai hkrum nga ndai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 20:16

Dai hpang Yesu gaw, “Dai rai nna, hpang hkrat ai ni shawng na mara ai; shawng ai ni mahtang hpang hkrat na mara ai,” ngu nna tsun hpungdim wu ai.

MAHTE 21:30

Dai hpang kawa gaw kasha shadoi wa kaw sa nna dai hte maren tsun wu ai. Shi gaw, ‘Rai sa, ngai sa na nngai,’ nga ai, rai ti mung, shi n sa mat ai.

MAHTE 5:18

Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

MAHTE 5:46

Nanhte gaw nanhte hpe tsaw ra ai ni hpe sha tsaw ra htang myit yang gaw, nanhte Karai Kasang kaw na hpa shabrai lu na myit ta?

MAHTE 6:5

Nanhte akyu hpyi myit yang, sawt ai masha ni zawn hkum rai myit! Shanhte gaw masha shagu shanhte hpe mu lu mu ga, tara jawng ni hta, mare lam mashe ni hta tsap nga nna akyu hpyi nga na tsaw nga ma ai. Nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

LUKA 15:10

Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

LUKA 7:29

Masha yawng mayawng gaw Yawhan a ga na la ma ai; shing rai shanhte hte, kang hta ai ni pyi gaw Yawhan a lata hta hkalup sa hkam la let dai Karai Kasang a ding man ai lam hpe sak se hkam shagrau ma ai.

YAWHAN 3:3

Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.