MAHTE 21:21 - Jinghpaw Common Language Bible 2009

²¹ Yesu gaw, “Ngai nanhte hpe teng teng tsun made ga, nanhte hta kam shut ai myit n lawm ai sha kam sham myit yang gaw, ndai maihpang hpun hpe ngai galaw ai zawn nanhte galaw lu na myit dai. Dai hta n ga, ndai bum hpe, ‘Nang baw mat nna, nawng hta e htawt bang mat u,’ ngu nna nanhte tsun mu yang dai byin na ra ai.

Jinghpaw Hanson Version Bible

²¹ Yesu gaw, “Nanhte hpe ngai teng teng tsun made ga, Nanhte kamsham ai myit rawng nna, kam shut ai hpa mung n lawm yang gaw, ndai maihpang hpun hta byin wa ai hta n-ga, nanhte galaw lu na hte, ndai bum hpe, Nang baw mat nna, nawng hta e htawt bang mat u, ngu nna nanhte tsun mu yang gaw, dai byin na ra ai.

MAHTE 21:21 ပူးပေါင်းရင်းမြစ်များ

MAHTE 14:29

Shi gaw, “Sa rit!,” ngu wu ai. Dai rai nna Petru gaw, li hta na yu hkrat nna, hka ntsa e hkawm let, Yesu hpang de sa wa ai.

MAHTE 17:20

Yesu gaw, “Nanhte ai n kam myit dai majaw, n di lu myit dai; nanhte hpe ngai teng teng tsun made ai gaw, kam sham ai myit chyinghkrang tum daram nanhte hta rawng nga ai rai yang gaw, ndai bum hpe, ‘Nang kaw nna wora de htawt sit mat u!,’ ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re,” ngu nna shanhte hpe tsun mu ai.

MAHTE 21:20

Sape ni dai hpe mu jang, mau mat ma ai rai nna, “Dai maihpang hpun gaw kaning rai nna jahkring sha hkraw nyip mat wa a hka?,” ngu nna san mu ai.

MAHTE 8:12

Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

YAKU 1:6

Rai ti mung nanhte akyu hpyi ai shaloi kam shut ai myit hte n re ai sha, kam sham ai myit hte hpyi nem lu na rai myit dai. Kam shut ai wa kadai mung nbung e ahtu nna kanawng hkawm ai panglai na hka leng hte bung nga ai.