MAHTE 21:19 - Jinghpaw Common Language Bible 2009

¹⁹ Shaloi lam makau e tu ai maihpang hpun langai mi hpe mu wu yang, dai de shi sa wu ai, rai ti mung dai hpun hta lap ni hta kaga hpa n mu wu ai. Dai majaw shi gaw, “Ya kaw nna prat dingsa e, nang hta asi bai n si n ga!,” ngu nna dai hpun hpe tsun wu ai. Maihpang hpun mung kalang ta shaloi jang hkraw nyip mat wa ai.

Jinghpaw Hanson Version Bible

¹⁹ Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.

MAHTE 21:19 ပူးပေါင်းရင်းမြစ်များ

ESAIA 5:2

Shi gaw ga sau htu lajang nna dai hta na nlung ni hpe rawm kau nga ai; shi gaw kaja htum ai sabyi ru ni hpe hkai da nga ai. Shi gaw dai hpe makawp maga na matu langchyi langai gap da nga ai, sabyi si ni kabye na matu nhkun langai hpe shi htu da nga ai. Shi gaw sabyi si ni myin na matu ala nga ai, rai ti mung sabyi si shagu gaw hkri mat nga ai.

YEREMIA 8:13

“Masha gaw nsi naisi shu la ai zawn, ngai mung nye a amyu masha ni hpe shinggyin la na matu ra sharawng nga nngai; rai ti mung, shanhte gaw sabyi si n si ai sabyi ru, lakum si n si ai lakum hpun, de a alap ni pyi nyip mat ai hpun ni zawn rai ma ai. Dai majaw, ngai gaw dai mungdan hpe madu la kau ya na matu, tsasam ni hpe ahkang jaw kau ni ai.”

MAHTE 21:20

Sape ni dai hpe mu jang, mau mat ma ai rai nna, “Dai maihpang hpun gaw kaning rai nna jahkring sha hkraw nyip mat wa a hka?,” ngu nna san mu ai.

MARKU 11:14

Yesu gaw, “Prat dingsa e nang hta na asi hpe kadai mung n sha lu u ga,” ngu nna dai maihpang hpun hpe tsun kau wu ai. Shi a sape ni mung dai hpe na ma ai.

MARKU 11:20

Hpang jahpawt jau jau e, Yesu hte sape ni dai lam hku hkawm sa wa ma yang, maihpang hpun hpe shanhte mu ma ai. Dai hpun gaw npawt kaw nna hpun ting hkraw nyip si mat nga ai.

LUKA 3:9

Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

YAWHAN 15:2

Ngai hta asi n si ai lakung shagu hpe gaw, shi krum kau wu ai; asi si ai lakung shagu hpe chyawm gaw asan aseng rai nna asi grau si u ga nga, tsan kau ya wu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

SHINGRAN 22:11

N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.”