MAHTE 21:10 - Jinghpaw Common Language Bible 2009

¹⁰ Yerusalem mare hta shang bang wa yang, mare ting kabring kabrawng rai wa nna, “Ndai wa gaw kadai rai nga a ta?,” nga nna san shajang ma ai.

Jinghpaw Hanson Version Bible

¹⁰ Ya, Yerusalem hta shang bang wa yang, mare ting kabring kabrawng rai wa nna, “Ndai wa gaw, kadai rai nga a ta?” nga ma ai.

MAHTE 21:10 ပူးပေါင်းရင်းမြစ်များ

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

ESAIA 63:1

Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

MAHTE 2:3

Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na Yesu ngu ai myihtoi wa rai nga ai,” nga nna htan ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

LUKA 20:2

Shanhte gaw, “Nang gaw hpa ahkang hte ndai amu ni hpe galaw nga nta? Ndai ahkang nang hpe kadai wa jaw a ta?,” nga nna shi hpe san ma ai.

LUKA 5:21

Shaloi, Tara sara ni hte Hparishe ni gaw, “Ning nga Karai Kasang hpe shut hpyit ai hku tsun shaga ai wa gaw, kadai wa rai ta? Karai Kasang chyu sha yubak dat kau ya lu ai wa rai nga ai!” nga nna shanhte a myit hta ga san san let aru yu nga ma ai.

LUKA 7:49

Rau shat sha dung nga ai ni gaw, “Yubak mara ni hpe nan raw dat kau ya lu ai, ndai wa gaw, kadai wa rai ta?,” nga nna shanhte tsun shajang ma ai.

LUKA 9:9

Herod gaw, “Yawhan hpe ngai baw htau kau se ai, rai ti mung, ndai hte wa ngai na ai gaw, kadai wa rai ta?,” nga nna Yesu hpe mu yu na tam nga ai.

YAWHAN 2:18

Ahkang aya lu ai Yuda masha ni gaw, “Nang ndai amu hpe ning rai galaw na ahkang lu ai wa re ai lam hpa lamik kumla galaw nna anhte hpe madun dan na n ta?,” ngu nna ga san hte shi hpe htan mu ai.

KASA 9:5

Shaloi shi gaw, “Madu e nang kadai rai nga n ta?,” ngu nna san wu yang, dai nsen gaw “Nang zingri zingrat ai Yesu rai nga nngai.

RUHTA 1:19

Shan gaw hkawm sa wa nna, Betlehem de du shang wa ma ai. Shan mare de du shang wa ai shaloi, mare ting gaw shan a majaw yu kajawng ma ai hte dai mare na numsha ni gaw, “Ndai Naomi teng teng rai nga a ni?,” ngu nna shada da san shajang nga ma ai.

1 SAMUELA 16:4

Samuela mung dai Madu shi hpe tsun ai hte maren galaw nhtawm Betlehem mare de sa mat wa wu ai; dai yang e mare ningbaw ni gaw hkrit kajawng ai hte shi hpe sa hkrum let, “Myi san wa e, ndai gaw ngwi pyaw sim sa ai hte seng ai hkawm chyai lam rai nga a ni?,” ngu nna hkap san ma ai.