MAHTE 20:6 - Jinghpaw Common Language Bible 2009

⁶ Ya, shana de hkying manga daram hta bai pru sa yang, naw tsap nga ai masha kaga ni hpe shi mu hkrup nna, ‘Nanhte hpa rai nme nang e shani tup kaman sha tsap nga myit ta?,’ ngu nna shanhte hpe san mu ai.

Jinghpaw Hanson Version Bible

⁶ Ya ahkying shi langai daram hta, bai pru sa yang, tsap nga ai masha kaga hpe shi mu hkrup nna, Nanhte hpa rai nme, nang e shani tup kaman sha tsap nga myit ta? ngu nna shanhte hpe san mu ai.

MAHTE 20:6 ပူးပေါင်းရင်းမြစ်များ

GA SHAGAWP 19:15

Lagawn nga u, yup pyaw nga u; rai ti mung, nang kawsi hpang gara hkrum na ra ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

MAHTE 20:5

Shing rai nna shanhte sa galaw ma ai. Dai hpang, shani hkying shi lahkawng hta mung, shana de hkying masum hta mung, shi pru sa nna dai hte maren di mu ai.

MAHTE 20:7

Shanhte gaw, ‘Kadai mung anhte hpe n saw mi ai,’ ngu mu ai. Shi gaw, ‘Nanhte mung dai sun de sa wa masu,’ ngu mu ai.

MAHTE 20:9

Shana de hkying manga hta amu shang galaw ai ni hpe gumhpraw lap lap hpra gu hkra jaw mu ai.

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.

KASA 17:21

(Hpa majaw nga yang, ya Ahten mare masha nlang hte hte dai yang na shingbyi manam ni gaw laklai ai prat dep byin nga ai amu ningnan ni a lam tsun hkai chyai ai hte madat la let, shanhte a aten nhtoi hpe jai lang ai hta ra sharawng nga ma ai.)

HEBRE 6:12

Anhte gaw nanhte hpe lagawn ai ni n tai shangun mayu ga ai. Rai ti mung, kam sham ai hte myit galu kaba ai ni tai let Karai Kasang jaw ya sai sali wunli hkam la ai ni zawn nanhte hpe tai wa shangun mayu ga ai.