MAHTE 20:4 - Jinghpaw Common Language Bible 2009

⁴ ‘Nanhte mung dai sun de sa wa masu, ging ram ai hte maren ngai nanhte hpe jaw na made ai,’ ngu nna shanhte hpe tsun mu ai.

Jinghpaw Hanson Version Bible

⁴ Nanhte mung dai sun de sa wa ma su; ging ram ai hte maren ngai nanhte hpe jaw na made ai, ngu nna shanhte hpe tsun mu ai. Shaloi shanhte sa wa ma ai.

MAHTE 20:4 ပူးပေါင်းရင်းမြစ်များ

MAHTE 20:3

Bai jahpawt hkying jahku daram hta, gat hkan shi bai pru sa nna hpa n galaw ai kaman tsap nga ai masha ni hpe mu hkrup jang, shi gaw,

MAHTE 20:5

Shing rai nna shanhte sa galaw ma ai. Dai hpang, shani hkying shi lahkawng hta mung, shana de hkying masum hta mung, shi pru sa nna dai hte maren di mu ai.

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

KOLOSE 4:1

Madu ni e, nanhte mung sumsing lamu e Madu langai mi lu nga myit dai hpe myit dum let, tinang a mayam ni hpe shangun marang sha ai lam ni hta ram ging ai hte tara ding ai hku galaw nga mu.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.

1 PETRU 1:13

Dai re ai majaw, nanhte amu galaw shamu shamawt sa wa na matu nanhte a myit masin ni hpe shajin da mu. Yesu Hkristu dan pru ai shaloi e nanhte hpe jaw ya na ra ai chyeju hpe ung ang ai myit n rawng ai sha amaja nga let tsep kawp myit mada ala nga mu.