MAHTE 20:32 - Jinghpaw Common Language Bible 2009

³² Shaloi Yesu hkring tsap let, shan hpe shaga la nna, “Ngai nan a matu hpa di ya na, nan ra nga myit ta?,” ngu mu ai.

Jinghpaw Hanson Version Bible

³² Shaloi Yesu tsap da nna shan hpe shaga la ai hte, “Ngai nan a matu hpa di ya na, nan ra nga myit ta?” ngu wu ai.

MAHTE 20:32 ပူးပေါင်းရင်းမြစ်များ

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

MAHTE 20:21

Yesu gaw, “Nang hpa mi ra nga n ta?,” nga nna san wu ai. Dai num gaw, “Nang Hkawhkam tai nna up nga ai shaloi, ndai nye a kasha yan lahkawng hpe na a hkra maga langai mi, pai maga langai mi dung nga lu na ahkang jaw na lam ngai hpe ga sadi jaw rit,” ngu wu ai.

MAHTE 20:31

Shawa masha ni gaw, shan atsin sha nga mat mu ga, daru jet kau mu ai; rai ti mung shan gaw, “Dawi a Kasha Wa e, an hpe matsan dum la mi law!,” ngu nna grau jahtau ma ai.

MAHTE 20:33

Shan gaw, “Madu e, nang an hpe myi bai mu shangun ya na ra ga ai,” ngu mu ai.

KASA 10:29

Dai majaw nang ngai hpe shaga dat yang ngai hpa n ningdang ai sha hkan nang sa ring ngai; dai rai nna hpa lam a majaw ngai hpe shaga myit ta? ngu nna ngai nang hpe san nga nngai,” ngu nna tsun mu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.