MAHTE 20:30 - Jinghpaw Common Language Bible 2009

³⁰ Shaloi myi kyaw ai masha lahkawng dai lam makau e dung nga ma ai rai nna, Yesu lai sa wa ai hpe na ma yang, shanhte gaw, “Dawi a Kasha Wa e, an hpe matsan dum la mi law!,” ngu nna jahtau ma ai.

Jinghpaw Hanson Version Bible

³⁰ Shaloi, yu mu, myi kyaw ai masha lahkawng, dai lam makau e dung nga ma ai rai nna, Yesu lai sa wa ai hpe na ma yang, shan gaw, “Dawi a Kasha, Madu e, an hpe matsan dum la mi law,” ngu nna jahtau mu ai.

MAHTE 20:30 ပူးပေါင်းရင်းမြစ်များ

SHAKAWN KUNGDAWN 146:8

Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

ESAIA 29:18

Dai nhtoi du ai shaloi, na lahpang ai ni gaw laika ja ja hti ai nsen na lu na ra ai, nsin kata nga nga ai myi n mu ai ni mung shanhte a myi ni hpaw wa nna mu lu na mara ai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

ESAIA 42:18

“Dai Madu gaw, “Na lahpang ai amyu masha ni e, madat mu! Myi kyaw ai ni e, htep htep yu mu!

ESAIA 59:10

anhte gaw myi kyaw amyu masha ni zawn lamawm hkawm ga ai. Anhte gaw shani chyingtung e pyi ahtu kataw ga ai, shana lama rai yang, sin ai katsan ga hta anhte nga nga ai zawn rai na ga ai.

MAHTE 13:4

Nli hpe shi gat dat wu yang, nkau mi gaw lam makau e hkrat nna, u ni dai hpe hta sha kau mu ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 20:31

Shawa masha ni gaw, shan atsin sha nga mat mu ga, daru jet kau mu ai; rai ti mung shan gaw, “Dawi a Kasha Wa e, an hpe matsan dum la mi law!,” ngu nna grau jahtau ma ai.

MAHTE 21:14

Myi kyaw ai ni hte lagaw hten ai ni gaw, dai htingnu kata de shi kaw du ma ai rai nna, shi shanhte hpe shamai shatsai ya mu ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 22:42

“Nanhte gaw Meshia a lam kaning ngu myit nga myit ta? Shi gaw gade a kasha rai nga a ta?,” ngu nna san mu ai. Shanhte gaw, “Dawi a Kasha rai nga ai,” ngu mu ai.

MARKU 10:46

Madu hte sape ni gaw Yerihko mare de du ma ai. Bai Yesu gaw shi a sape ni hte, masha wunawng wuwa kaba hte rau, Yerihko mare de na pru wa ma yang, Timi-yas (Timaeus) ngu ai wa a kasha Bartimi-yas ngu ai myi kyaw nna hpyi sha ai wa langai mi lam makau e dung nga ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

LUKA 7:21

Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

KASA 2:30

Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw,