MAHTE 20:25 - Jinghpaw Common Language Bible 2009

²⁵ Dai rai nna Yesu gaw, shanhte yawng hte hpe shaga la nna, “Maigan amyu ni a up hkang ai du ni gaw, mung masha ni a ntsa e daru magam hte reng sha nga ma ai mung, ningbaw ningla ni gaw atik anang re ai ahkang aya jai lang nga ma ai hpe mung, nanhte chye nga myit dai.

Jinghpaw Hanson Version Bible

²⁵ Yesu mahtang shanhte hpe shaga la nna, “Maigan amyu ni a du ni gaw, shanhte a ntsa e reng nga ma ai hte daru magan re ai ni gaw shanhte a ntsa e ahkang lu ma ai hpe, nanhte chye nga myit dai.

MAHTE 20:25 ပူးပေါင်းရင်းမြစ်များ

Daniela 3:15

Ya chyawm gaw, nanhte dai pahke, tingse, sumpyi chyingbau, dawraw hte kaga madum sumpyi ni yawng dum ai nsen na ai hte rau hkrang sumla hpe gum dagup let nawku na rai myit dai. Dai zawn n galaw ai rai yang, nanhte hpe grung nga ai wan htung de kalang lata kabai bang kau ai hkrum na marin dai. Nanhte hpe hkye hkrang la lu ai kaga karai naw nga ai zawn nawn da nga myit ni?,” ngu nna tsun wu ai.

Daniela 5:19

Shi gaw nachying galu kaba nga ai rai nna masha amyu baw ni yawng, amyu bawsang ni hte kaga ga amyu myu shaga ai ni yawng hte gaw shi hpe hkrit gari nga ma ai. Shi gaw marai langai ngai hpe sat kau mayu yang, shi galaw nga ai; marai langai ngai hpe jahkrung mayu yang, jahkrung da nga ai. Shagrau sha-a mayu yang, shi shagrau sha-a nna, shagrit kau mayu ai wa hpe shagrit kau nga ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 20:24

Ndai lam hpe kaga ngam ai sape marai shi na mu yang shanhte dai shan nau hpe yu pawt da mu ai.

MARKU 10:42

Dai majaw Yesu gaw shanhte yawng hte hpe shaga la nna, “Maigan amyu ni a up hkang ai ni ngu nna sawn la hkrum ai masha ni gaw, mung masha ni a ntsa e daru magam hte reng sha nga ma ai hte, dai ningbaw ningla ni gaw atik anang re ai ahkang aya hpe jai lang nga ma ai hpe nanhte chye nga myit dai,

1 PETRU 5:3

Nanhte bau maka na matu nanhte a lata hta ap da sai dai hpung hpe up Madu mayu ai myit hte n re ai sha dai sagu hpung a matu kasi ningli kaja ni tai nga mu.