MAHTE 20:24 - Jinghpaw Common Language Bible 2009

²⁴ Ndai lam hpe kaga ngam ai sape marai shi na mu yang shanhte dai shan nau hpe yu pawt da mu ai.

Jinghpaw Hanson Version Bible

²⁴ Ya, dai ga hpe kaga sape shi na mu yang, shanhte dai shan nau hpe myit yu kahtet mu ai.

MAHTE 20:24 ပူးပေါင်းရင်းမြစ်များ

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

MAHTE 20:23

Bai Yesu gaw, “Nye a gawm hpe nanhte kaja wa lu na marin dai; rai ti mung, nye a hkra maga hte pai maga de kadai dung nga lu na ngu ai hpe gaw ngai lata la na ahkang n lu nngai: dai shara ni gaw nye a Wa lajang da ya ai ni a matu mara she rai nga ai,” ngu nna shanhte hpe tsun mu ai.

MAHTE 20:25

Dai rai nna Yesu gaw, shanhte yawng hte hpe shaga la nna, “Maigan amyu ni a up hkang ai du ni gaw, mung masha ni a ntsa e daru magam hte reng sha nga ma ai mung, ningbaw ningla ni gaw atik anang re ai ahkang aya jai lang nga ma ai hpe mung, nanhte chye nga myit dai.

MARKU 10:14

Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru, shanhte hpe hkum jahkring shingdang da myit, hpa majaw nga yang, Karai Kasang a mungdan gaw, dai zawn re ai ni a mungdan rai nga ai.

MARKU 10:41

Ya kaga sape ni marai shi, dai lam shiga na mu yang, Yaku yan Yawhan hpe masin pawt da mu ai.

LUKA 13:14

Shing rai, Yesu Bansa Nhtoi e shamai ya ai majaw, tara jawng agyi wa masin pawt ai hte shawa masha ni hpe, “Anhte amu galaw mai ai nhtoi kru ya nga ai; dai nhtoi ni hta sa nna shamai la mu; Bansa Nhtoi hta gaw hkum sa myit,” ngu nna tsun mu ai.

1 KORINHTU 13:4

Tsaw ra ai myit gaw myit galu kaba nga ai; matsan dum lama nga ai; manawn masham n nga ai, grang shakawng ai ga n tsun ai; gumrawng gumtawng n rai ai;

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.