MAHTE 20:22 - Jinghpaw Common Language Bible 2009

²² Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

Jinghpaw Hanson Version Bible

²² Yesu gaw, “Nanhte hpa hpyi nga ai hpe, nanhte n chye myit dai; ngai lu magang nga ai gawm hpe, nanhte lu lu na rai nga myit ni?” ngu nna htan wu ai. Shanhte gaw, “Anhte rai lu na ga ai,” ngu mu ai.

MAHTE 20:22 ပူးပေါင်းရင်းမြစ်များ

SHAKAWN KUNGDAWN 75:3

Mungkan ga hte dai hta nga ai hkrung mahkrung mahkra hte gari ashun awam wa ti mung; de a npawt nhpang ni hpe ngai shangang shakang da na nngai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 51:22

dai Madu na a Karai Kasang gaw nang hpe makawp maga ai hte, “Nye a masin kahtet ai majaw nang hpe jaw ai gawm hpe ngai la kau nga nngai. Nang gaw nang hpe ndi nda byin shangun ai sabyi ntsin hpe galoi mung lu ra sana n rai.

YEREMIA 49:12

“Ari hkrum sha na n ging ai masha ni pyi, dai ari gawm hpe lu nga ma ai rai yang, nang gaw ari kaw nna lawt lu na re ngu, myit nawn da wu ni? N rai law, nang gaw dai gawm kaw na lu lu na rai ndai!

MAHTE 26:35

Petru gaw, “Nang hte rau ngai si yang si u ga, nang hpe ngai n nyet kau lu na nngai!,” ngu nna shi hpe htan wu ai. Kaga sape ni yawng mung dai hte maren tsun nang ma ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 26:56

Rai ti mung ndai lam yawng hte byin wa ai chyawm gaw, myihtoi ni ka da ai laika ni dik wa mu ga majaw byin wa sai,” ngu mu ai. Shaloi jang sape ni yawng shi hpe kau da nna hprawng mat wa ma ai.

MARKU 14:36

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

LUKA 12:50

Ngai hkam la na hkalup langai mi naw nga ai; dai garai n hkam hkam gaw, ngai nachying myit nni nkri hkrum nga nngai.

LUKA 22:42

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 18:11

Yesu gaw, “Na a nhtu dai hpe n ga hta shawn bang kau u! Nye Wa ngai hpe jaw ai nni nkri ngu ai gawm hpe ngai n lu na re ngu nna nang myit da wu ni?,” ngu nna Petru hpe tsun wu ai.

ROMA 8:26

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

YAKU 4:3

Nanhte hpyi myit dai shaloi, nanhte n lu la myit dai; hpa majaw nga yang nanhte a kraw na maw mawn ai myit mahtang n kaja nga malit dai hte nanhte gaw nanhte pyaw daw lam hta jai lang na matu she hpyi nga myit dai.