MAHTE 20:21 - Jinghpaw Common Language Bible 2009

²¹ Yesu gaw, “Nang hpa mi ra nga n ta?,” nga nna san wu ai. Dai num gaw, “Nang Hkawhkam tai nna up nga ai shaloi, ndai nye a kasha yan lahkawng hpe na a hkra maga langai mi, pai maga langai mi dung nga lu na ahkang jaw na lam ngai hpe ga sadi jaw rit,” ngu wu ai.

Jinghpaw Hanson Version Bible

²¹ Shi gaw, “Nang hpa mi ra nga n ta?” ngu wu ai. Dai num gaw, “Ndai ngai sha yan gaw, na a mungdan hta e na hkra maga de langai mi, pai maga de langai mi, dung nga lu na ahkang jaw u,” ngu wu ai.

MAHTE 20:21 ပူးပေါင်းရင်းမြစ်များ

1 HKAWHKAM 2:19

Dai rai nna Batsheba gaw Adoniya a malai Shawlumon hpe sa tsun na nga hkawhkam wa hpang de shang wa wu ai. Shaloi hkawhkam wa gaw shi a kanu hpe shakram la na nga, rawt tsap let shi hpe gum let hkungga jaw wu ai. Dai hpang shi gaw shi magam tingnyang hta dung nga ai; shi kanu a matu kaga langai mi mung la shang wa ya ai hte Batsheba mung shi a hkra maga e dung nga ai.

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

ESHTA 5:3

Hkawhkam wa gaw, “Hkawhkam Eshta e, kaning ngu mayu n ta? Nang hpa ra ai lam ngai hpe tsun dan rit, nye a mungdan chyen mi hpe pyi nang lu la lu na rai ndai,” ngu nna san wu ai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 45:9

Na a hkawhkam htingnu na shayi sha ni hta hkawhkam ni a shayi sha ni mung lawm nga ma ai; na a tingnyang a hkra maga de, htoi kabrim ai ja hte mawn sumli da nga ai hkawhkam jan tsap nga ai.

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

MAHTE 18:1

Dai ahkying hta sape ni gaw Yesu hpang de sa du nna, “Sumsing lamu a Mungdan hta kadai wa mahtang grau kaba nga a ta?,” ngu nna san mu ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 20:22

Yesu gaw dai kasha yan hpe, “Nanhte hpa hpyi nga ai hpe nanhte n chye myit dai; ngai lu magang nga ai nni nkri gawm hpe nanhte lu lu na rai nga myit ni?,” ngu nna htan wu ai. Shan gaw, “An rai lu na ga ai,” ngu mu ai.

MAHTE 20:32

Shaloi Yesu hkring tsap let, shan hpe shaga la nna, “Ngai nan a matu hpa di ya na, nan ra nga myit ta?,” ngu mu ai.

MARKU 10:51

Yesu gaw shi hpe, “Ngai na a matu hpa di ya na nang ra n ta?,” ngu nna san mu ai. Myi kyaw ai wa gaw, “Sara e ngai myi bai mu mayu nngai law,” ngu nna htan wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

MARKU 6:22

Dai shana, shat sha poi de Herodia a shayi sha shang nna ka hkalum nga ai rai nna Herod hte shi hte rau dung nga ai manam ni hpe yu ra shangun da mu ai. Shing rai Hkawhkam wa gaw numsha hpe, “Nang hpa baw ra n ta? Nang tsaw matsaw hpa rai ti mung ngai nang hpe jaw na de ai,” ngu nna tsun wu ai.

LUKA 18:41

“Ngai nang hpe hpa di ya na, nang ra n ta?,” ngu nna shi hpe san wu yang, dai wa gaw, “Madu e, ngai myi bai mu mayu nngai,” ngu wu ai.

LUKA 19:11

Dai lam ni hpe masha ni madat nga ma yang, Yesu gaw shanhte hpe ga shadawn langai mi hte tsun wu ai. Yesu gaw Yerusalem mare de du na ni sai majaw mung, Karai Kasang a Mungdan gaw alawan dan pru magang ra ai nga nna myit sawn la shajang nga ma ai.

LUKA 22:24

Sape ni gaw, shanhte hta na kadai wa mahtang kaba htum nga ai kun? nga nna shada da tsun shajang pru wa ma ai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

KASA 1:6

Kasa ni Yesu hte rau hkrum zup nna hpawng nga ma yang, shanhte gaw, “Madu e, ndai aten e, Israela amyu masha ni hpe dai Mungdan bai de ya na rai sani?,” ngu nna shi hpe san mu ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 8:34

Daw dan lu ai wa gaw kadai wa mi rai nga a ta? Si hkam ai hta n ga, si mat ai ni hta na hkrung sharawt la hkrum nhtawm Karai Kasang kaw hpyi htinglu ya ai wa Hkristu Yesu shi nan rai nga ai.

KOLOSE 3:1

Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.