MAHTE 20:19 - Jinghpaw Common Language Bible 2009

¹⁹ maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

Jinghpaw Hanson Version Bible

¹⁹ asawng asang, anu kayat ai hte wudang hta jen da hkrum na matu, maigan amyu ni a lata de ap kau na mara ai; masum ya nhtoi hta e, bai sharawt la ai hkrum na ra ai,” ngu mu ai.

MAHTE 20:19 ပူးပေါင်းရင်းမြစ်များ

YOBA 30:8

Kadai mung shanhte a mying n chye ya lu ai masha angawk hpung mi rai nga ma hka! Shanhte gaw mungdan kaw nna jahtaw kau hkrum nga ma ai.

SHAKAWN KUNGDAWN 35:16

Chyahten labye wa hpe jahpoi asawng ai masha ni zawn, shanhte ngai hpe n ju n dawng ai myi hte yu azi da mi ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

MAHTE 16:21

Dai aten kaw nna Yesu gaw, sape ni hpe tsun dan magang mu ai gaw, “Ngai Yerusalem mare de sa nna agyi salang ni, hkinjawng agyi ni hte tara sara ni a lata hta e nni nkri law law hkrum nna, sat kau ai hkrum nhtawm, masum ya nhtoi hta ngai bai sharawt la ai hkrum na ring ngai,” ngu mu ai.

MAHTE 17:23

Shanhte shi hpe sat kau na maru ai rai nna, masum ya nhtoi hta e shi hpe hkrung sharawt la ai hkrum na ra ai,” ngu nna shanhte hpe tsun mu ai. Dai rai nna shanhte nachying myit yawn nga ma ai.

MAHTE 27:26

Dai shaloi, Pilat gaw Baraba hpe shanhte a matu dat ya mu ai. Yesu hpe mahtang shi kayat nna, wudang hta jen sat kau na matu ap kau dat wu ai.

MAHTE 27:63

“Madu e, ndai masu hkalem ai wa naw hkrung nga yang, masum ya nhtoi hta e ngai bai hkrung rawt wa na nngai, nga nna shi tsun ai hpe anhte dum sagaw ai.

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.

MARKU 15:1

Jahpawt manap jau jau e, hkinjawng agyi ni gaw, agyi salang ni, tara sara ni hte dai salang kongsi hpawng ting gaw grai tin ai hku bawng jahkrup la nna, Yesu hpe gyit nhtawm, dun mat wa nna, Pilat kaw ap ya mu ai.

MARKU 15:15

Pilat gaw shawa masha ni hpe myit shapyaw ya mayu ai hte, shanhte a matu Baraba hpe dat ya mu ai. Dai hpang Yesu hpe anu kayat nhtawm jen sat kau na matu ap kau dat mu ai.

LUKA 18:32

Shi gaw maigan amyu ni a lata de ap kau ai hkrum nna, asawng asang di ai, aroi arip di ai, mayan mahtaw bun ai hkrum na ra ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

KASA 21:11

Shi anhte kaw shang nna Pawlu a shingkyit la nhtawm, shi dai shi a lagaw lata gyit nna, “Chyoi pra ai Wenyi ning nga tsun nga ai, ndai shingkyit madu hpe Yuda masha Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.