MAHTE 20:12 - Jinghpaw Common Language Bible 2009

¹² ‘Hpang jahtum shang ai ndai ni gaw, hkying hkum mi sha galaw ai ni she rai yang nang shanhte hpe anhte shani tup jan ja ai hte pu ba hkam sai ni hte maren shabrai jaw ndai!,’ ngu nna sun madu hpe aput angun ma ai.

Jinghpaw Hanson Version Bible

¹² Hpang jahtum shang ai ndai ni gaw hkying mi sha chyang ma timung, dai ni tup lit gun hpai ai hte anhte jan ja hkrum sha ai ni hte maren, nang shanhte hpe di mu ai, ngu nna nta madu hpe angun aput mu ai.

MAHTE 20:12 ပူးပေါင်းရင်းမြစ်များ

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

MALAHKI 3:14

Nanhte gaw, “Karai Kasang hpe daw jau ai gaw akyu n pru nga ai. Shi tsun ai hku hkan galaw ai hte anhte galaw kau saga ai amu a majaw yawn hkyen hkrum ga ai lam Chyahtum Chyalai N-gun rawng ai dai Madu hpe shakut nna madun dan ai gaw hpa akyu pru nga a ta?

MAHTE 20:11

Shabrai lu la ma ai hpang shanhte gaw,

LUKA 12:55

Dingda nbung nbung wa yang, jan ja na ra ai, nga ga myit dai, dai hte maren mung byin ga nga ai.

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

1 KORINHTU 4:11

Ya ten du hkra anhte kawsi hpang gara, singgu krin, adup ajin zingri hkrum nna nga shara garen let shara mi kaw nna shara mi de hkawm nga ga ai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

YAKU 1:11

Ajan gaw shi a kang kahtet ai hte rawt wa nna nampan hpun hkru hkraw mat ai. Nampan pu mung run hkrat mat ai hte de a tsawm htap ai gaw hten mat wa ai. Dai hte maren lu su ai wa gaw shi a magam bungli shachyen nga yang hten byak nna wai mat na ra ai.