MAHTE 20:1 - Jinghpaw Common Language Bible 2009

¹ “Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

Jinghpaw Hanson Version Bible

¹ Kaning rai nme law sumsing lamu a mungdan gaw, tsabyi sun hta amu galaw ai masha saw bang na, jahpawt jau jau e pru sa wa ai nta madu hte bung nga ai.

MAHTE 20:1 ပူးပေါင်းရင်းမြစ်များ

MAHTE 13:24

Ga shadawn kaga mung, shi shanhte hpe tsun mu ai gaw; “Sumsing Lamu a Mungdan gaw hkauna hta nli kaja gat ai wa hte bung nga ai.

MAHTE 13:31

Ga shadawn kaga mung Yesu shanhte hpe kahtap tsun mu ai gaw, “Sumsing Lamu a Mungdan gaw, masha langai mi e la nna shi a yi hta hkai ai chyinghkrang tum hte bung nga ai.

MAHTE 13:33

Ga shadawn kaga mung shi shanhte hpe naw tsun mu ai gaw, “Sumsing Lamu a Mungdan gaw numsha langai mi matsi loi mi la nna muk shadung dang mi hta bang dat wu yang, mahkra hte hpe shawawm dat lu ai hte bung nga ai,” ngu mu ai.

MAHTE 13:47

“Bai, Sumsing Lamu a Mungdan gaw, nga hkan ai ni nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 20:2

Dai wa gaw, lani mi hta gumhpraw lap mi jaw na, ngu nna amu galaw ai ni hte bawng jahkut nhtawm, sabyi sun de shanhte hpe shangun dat mu ai.

MAHTE 21:28

“Ya, nanhte kaning ngu myit da mu ta? Kalang mi na masha langai mi shadang sha lahkawng lu ai. Kasha alat hpang de shi sa nna, ‘Sha e, dai ni sabyi sun de bungli sa galaw su,’ ngu wu ai.

MAHTE 22:2

“Sumsing lamu a Mungdan gaw, kasha a hkungran poi shachyip da ai Hkawhkam langai mi hte bung nga ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 25:1

“Dai shaloi e sumsing lamu a Mungdan gaw, tinang a sau pyengdin ni hpe lang nna la ningnan hpe hkap bawp la na pru sa wa ai mahkawn shi hte bung na ra ai.

MAHTE 25:14

“Dai ten hta, sumsing lamu a Mungdan gaw, lang mi na masha langai mi bu hkawm na maw ai rai nna, mayam ni hpe shaga la nhtawm, shi arai ni shanhte hpe ap ya da ai shaloi byin ai lam hte bung na ra ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MARKU 13:34

Dai gaw, tsan ai ga de dum nta kaw na pru hkawm sa wa na masha langai mi, shi a nta hpe shangun ma ni a lata hta ap da nhtawm, shanhte langai hte langai galaw na bungli garan ya ngut jang, chyinghka sin ai wa hpe mung maja nga na matu hkang da ai hte bung nga ai.

YAWHAN 15:1

Yesu tsun ai gaw, “Ngai gaw teng man ai sabyi ru rai nga nngai, nye Wa gaw sabyi sun galaw ai wa rai nga ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.