MAHTE 2:8 - Jinghpaw Common Language Bible 2009

⁸ Dai hpang Hkawhkam wa gaw, shanhte hpe, “Nanhte sa nna dai ma kaji hpe azin ayang hkan tam nna, shi hpe mu hkrup jang, ngai mung shi hpe sa nawku lu n ga, ngai hpe wa shana ya mi,” ngu nna matsun dat mu ai.

Jinghpaw Hanson Version Bible

⁸ Betlehem de shanhte hpe shangun dat yang, “Nanhte sa nna, dai ma kaji a lam azin ayang hkan tam ai hte, shi hpe mu hkrup lu jang, ngai mung shi hpe sa nawku lu n ga, ngai hpe wa shana ya mi,” ngu nna tsun dat mu ai.

MAHTE 2:8 ပူးပေါင်းရင်းမြစ်များ

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

1 HKAWHKAM 19:2

Shi gaw Elia hpang de ning ngu shiga shana dat wu ai: “Hpawt de ndai aten e, myihtoi ni hpe nang galaw kau dat nit dai hte maren, nang hpe ngai n galaw ai rai yang, karai ni ngai hpe si hkra adup mi ga law.”

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 2:7

Shaloi Herod gaw, sinpraw mung na hpaji rawng ai ni hpe lagyim, shaga jahpawng la nna, dai shagan dan pru ai ladaw hpe shanhte kaw na azin ayang san achyin la wu ai.

MAHTE 2:9

Shing rai shanhte pru mat wa ma ai rai nna, lam e Sinpraw mung kaw nna shanhte mu ai shagan hpe nan bai mu lu ma ai shaloi, shanhte nachying kabu gara nga ma ai.