MAHTE 2:7 - Jinghpaw Common Language Bible 2009

⁷ Shaloi Herod gaw, sinpraw mung na hpaji rawng ai ni hpe lagyim, shaga jahpawng la nna, dai shagan dan pru ai ladaw hpe shanhte kaw na azin ayang san achyin la wu ai.

Jinghpaw Hanson Version Bible

⁷ Shaloi Herod gaw, hpaji rawng ai ni hpe lagyim shaga la nna, dai shagan dan pru ai ladaw hpe shanhte kaw azin ayang san achyin la nhtawm,

MAHTE 2:7 ပူးပေါင်းရင်းမြစ်များ

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

PRU MAT 1:10

Majan byin wa ai rai yang, shanhte gaw anhte hpe gasat na matu anhte a gumlau hpyen ni hte matut wa nna ndai mungdan kaw nna mung hprawng lawt lu na mara ai. Shanhte grau n law jat wa lu mu ga, shanhte hpe hkum shingdang lu na hpaji zai ladat tam ga,” ngu nna tsun wu ai.

BU HKAWM 24:17

Htawm hpang na lam hpe ngai mada yu, Israela amyu baw hpe ngai mu; htoi tu ai shagan zawn Dai amyu baw hta hkawhkam langai pru na ra ai. Shi gaw wan shingram langai zawn Israela hta na du sa wa na ra ai; Shi gaw Moba ningbaw ni hpe anut kau nna, Shet a amyu ni yawng hpe kayat adup na ra ai.

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

MAHTE 2:8

Dai hpang Hkawhkam wa gaw, shanhte hpe, “Nanhte sa nna dai ma kaji hpe azin ayang hkan tam nna, shi hpe mu hkrup jang, ngai mung shi hpe sa nawku lu n ga, ngai hpe wa shana ya mi,” ngu nna matsun dat mu ai.

KASA 24:22

Ya Hpilik gaw dai Lam ngu ai hpung a lam hpe atsawm sha chye da ai wa rai nna, “Hpyen du kaba Lusi du jang she, ngai nanhte a amu daw dan na nngai,” ngu nna shanhte hpe jahkring kau mu ai.

SHINGRAN 12:15

Baren numraw gaw, dai numsha hpe hka hpungla hte shayawng kau lu na matu, shi a n-gup hta na hka hpe hka nu zawn, dai numsha hpang de kawut shalwi dat wu ai.

1 SAMUELA 18:21

Shi gaw, “Mihkala hpe Dawi kaw ya sha na nngai; Dawi hpe mahkam hkam la na matu shayi sha hpe akyu jashawn na we ai. Shaloi shi gaw Hpilisti masha ni a lata hta sat kau ai hkrum na ra ai,” ngu nna shi kraw e myit da wu ai. Shawlu gaw Dawi hpe, “Nang gaw nye a kahkri tai na rai ndai,” ngu nna lahkawng lang ngu na tsun wu ai.