MAHTE 2:6 - Jinghpaw Common Language Bible 2009

⁶ ‘Yuda mung na Betlehem e, nang gaw Yuda mung na mare ni hta kaji htum nga ndai n rai; nye a amyu Israela hpe woi rem na Du gaw nang kaw nna paw pru na ra ai,’” nga ai, ngu nna shi hpe tsun dan mu ai.

Jinghpaw Hanson Version Bible

⁶ “Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

MAHTE 2:6 ပူးပေါင်းရင်းမြစ်များ

NINGPAWT NINGHPANG 49:10

Yuda gaw hkawhkam sumdoi lang lu na ra ai, Shi a amyu matu ni tut nawng a up nga na mara ai. Amyu baw ni shi hpe shagrau kumhpa jaw ai hte Shi a man e madat mara let gum dagup na mara ai.

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

1 HKAWHKAM LABAU 2:51

Shi a kasha Ma Naw ngu na Salma gaw Betlehem mare hpe woi de da nhtawm Ma La ngu na Harep gaw Betgadera mare hpe woi de da nga ai.

1 HKAWHKAM LABAU 5:2

Yuda amyu bawsang mahtang n-gun ja htum ai wa tai wa nna amyu bawsang yawng a matu up hkang du langai shi kaw na pru wa nga ai.)

EZRA 2:21

Ndai lawu de na mare ni hta nga lai wa sai kaji kawa ni a amyu masha ni mung nhtang wa ma ai: Betlehem - 123 Netohpa - 56 Anahtot - 128 Azmawet - 42 Kiriat Yarim, Hkehpira hte Berot - 743 Rama Hte Geba - 621 Mikmasha - 122 Behtela hte Ai - 223 Nebo - 52 Magbisha - 156 Kaga Elam - 1,254 Harim - 320 Loda, Hadi hte Ono - 725 Yerihko - 345 Sena - 3,630

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

BU HKAWM 24:19

Israela amyu baw gaw shanhte hpe kabye kau nna; Jahtum naw ngam nga ai ni hpe hpyu kau na mara ai.”

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

YAWHAN 21:16

Bai lahkawng lang ngu na, “Yawhan a kasha Simun e, Nang ngai hpe tsaw ra nga n ni?,” ngu nna shi hpe san wu ai. Shi gaw, rai sa, Madu e ngai nang hpe tsaw ra nga nngai gaw nang chye nga ndai,” ngu nna bai htan wu ai. Yesu gaw, “Nye a sagu ni hpe bau rem nga u,” ngu wu ai.

YAWHAN 7:42

Meshia gaw, Dawi a amyu lakung kaw na rai na ra ai, nga nna mung Dawi nga lai wa ai Betlehem mare kaw na she paw pru na ra ai, nga nna mung, Chyum Laika hta tsun nga ai n rai ni?,” nga nna tsun hkat ma ai.

EHPESU 1:22

Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

HEBRE 7:14

Shi gaw Yuda amyu hta na shangai wa sai hpe yawng chye nga ai; Mawshe gaw hkinjawng ni hte seng nna tsun ai shaloi Yuda amyu ru sai a lam hpa mung n tsun da nga ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 2:27

Dai ahkang aya gaw: masha mungdan ni a ntsa e hpri sumdoi hte up hkang nna, di bu sama a di bu ni hpe zawn ayun ayaw rai hkra adup grawp kau na ahkang aya rai nga ai.

SHINGRAN 7:17

Hpa majaw nga yang, tingnyang ka-ang e nga ai Sagu Kasha gaw, shanhte a sagu rem wa tai na ra ai, rai nna, asak hka hpawk du hkra shanhte hpe lam madun na ra ai. Karai Kasang mung, shanhte a myi ni hta na myi prwi yawng tsai hkra katsut kau ya na ra ai,” ngu nna ngai hpe tsun ai.