MAHTE 2:4 - Jinghpaw Common Language Bible 2009

⁴ Herod hkawhkam gaw, dai amyu a hkinjawng agyi ni hte tara sara ni yawng hte hpe shaga jahpawng da nhtawm, “Meshia kanang e shangai wa na rai ta?,” ngu nna shanhte hpe san mu ai.

Jinghpaw Hanson Version Bible

⁴ dai amyu a hkinjawng agyi ni hte laika ka ai sara ni nlang hte hpe jahpawng da nhtawm, Hkristu hpe kanang shangai dat na maru ta, nga nna shanhte hpe jasan mu ai.

MAHTE 2:4 ပူးပေါင်းရင်းမြစ်များ

2 HKAWHKAM LABAU 34:13

Kaga Lewi masha ni gaw arung arai htaw htinglet ya ai amu hpe woi hpareng ai hte kaga bungli amyu myu galaw ai amu galaw masha ni hpe yu reng nga ai. Bai kaga ni mung ka matsing ni hpe kyem mazing ai hte sin langa amu hta daw jau nga ma ai.

2 HKAWHKAM LABAU 34:15

Shi gaw Shahpan hpe, “Ndai Nawku Htingnu kata hta Tara laika buk ngai mu ni ai,” ngu nna tsun wu ai. Shi gaw dai laika buk Shahpan hpe jaw wu ai rai nna,

2 HKAWHKAM LABAU 36:14

Dai hta kaga, Yuda ningbaw ni, hkinjawng ni hte amyu masha ni gaw shanhte a grup yin hkan nga nna hpara sumla ni hpe nawku ai masha amyu baw ni a yubak kasi hta hkan let, dai Madu shi nan shachyoi shapra da sai Nawku Htingnu hpe mung awu asin di kau ma ai.

EZRA 10:5

Dai rai nna, Shehkania hpaji jaw tang shawn ai hte maren, shanhte hkan galaw lu hkra nga, Ezra gaw hkinjawng ningbaw ni, Lewi masha ni hte ngam nga ai amyu masha ni hpe dagam shangun hpang wa wu ai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

SHAKAWN KUNGDAWN 2:2

Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

YEREMIA 8:8

Nang gaw hpaji rawng ai wa hte nye a tara lam ni hpe chye nga ndai ngu nna kaning rai tsun lu na rai ta? Yu u, tara lam ni gaw n ding n man ai laika ka sara ni a majaw shai mat nga sai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

MAHTE 2:3

Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.

MAHTE 2:5

Shanhte gaw, “Yuda mung na Betlehem hta e shangai wa na ra ai: hpa majaw nga yang, myihtoi a lata hte ning nga nna ka da nga ai,

MAHTE 21:15

Hkinjawng agyi ni hte Tara sara ni chyawm gaw, shi galaw ai mauhpa amu ni hte, “Dawi a Kasha hpe shakawn kungdawn mu law!,” nga nna Nawku Htingnu kata hta jahtau ai ma ni hpe mu mu yang, shanhte masin pawt ma ai.

MAHTE 21:23

Yesu gaw Nawku Htingnu de bai du wa nna sharin shaga nga yang, hkinjawng agyi ni hte, mung masha ni a agyi salang ni, shi kaw sit sa nna, “Nang gaw hpa ahkang hte ndai hte hpe galaw nga n ta? Ndai ahkang nang hpe kadai jaw a ta?,” ngu mu ai.

MAHTE 26:3

Dai shaloi hkinjawng agyi ni hte mung masha ni a salang ni gaw Kayahpa ngu ai hkinjawng agyi kaba wa a htingnu wang kata e zuphpawng hpawng nga ma ai rai nna,

MAHTE 26:47

Yesu ga naw tsun nga yang, sape shi lahkawng hta lawm ai Yuda du sa wa ai. Hkinjawng agyi ni hte mung masha ni a salang ni e shangun dat ai nhtu hte dawhkrawng ni lang ai shawa hpawng kaba shi hte rau lawm sa wa ma ai.

MAHTE 27:1

Jahpawt jau jau e hkinjawng agyi ni hte mung masha ni a salang ni yawng hte gaw, Yesu hpe sat kau na lam ni bawng ban ma ai.

MAHTE 7:29

Hpa majaw nga yang, shi gaw tara sara ni zawn n rai, ahkaw ahkang atsam rawng ai ga hte shi shanhte hpe sharin shaga mu ai.

MARKU 8:31

Dai shaloi Yesu gaw, “Dai masha Kasha gaw nni nkri law law wa hkrum nna, agyi salang ni, hkinjawng agyi ni hte tara sara ni e nyet kau ai hkrum na ra ai. Shi hpe sat kau na mara ai, rai ti mung masum ya nhtoi a hpang e shi bai hkrung rawt wa na ra ai,” ngu nna shi a sape ni hpe sharin achyin ya hpang mu ai.

LUKA 20:19

Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.

LUKA 23:10

Hkinjawng agyi ni hte Tara sara ni gaw shawng de pru tsap nna, shi hpe aja awa mara shagun ai lam galaw nga ma ai.

YAWHAN 18:3

Dai rai nna Yuda gaw Roma hpyen la palatun langai mi hte hkinjawng agyi ni hte Hparishe ni dat dat ai htingnu sin ai hpyen la ni hpe mung shaga woi sa wa ai. Shanhte gaw pyengdin ni, wan shanan ni, ri nhtu laknak hte rai nna sa wa ma ai.

YAWHAN 3:10

Yesu gaw, “Nang gaw Israela masha ni hta sara kaba langai wa mi ting rai da nhtawm, ndai lam nang n chye n ni?

YAWHAN 7:32

Ndai Yesu a lam hpe shawa masha ni tsun garu nga ma ai hpe Hparishe ni na ma yang, hkinjawng agyi ni hte Hparishe ni gaw shi hpe rim la na matu hpyen la nkau mi hpe shangun dat ma ai.

YAWHAN 8:3

Shaloi Tara sara ni hte Hparishe ni gaw, n se n sa galaw nga yang mu rim la ai numsha langai mi hpe dun sa nna, shawa yawng a man e shatsap tawn mu ai.

KASA 23:9

Shanhte marawn jahtau tsun shaga ai gaw grau nna ja wa ai, shaloi Hparishe hpung hta lawm ai tara sara nkau mi rawt nna, “Ndai wa hta anhte hpa mara mung n mu ga ai! Kaja wa Wenyi shing n rai lamu kasa langai mi shi hte ga tsun yang tsun shaga sana re!,” nga nna tsun hkat bu ma ai.

KASA 4:5

Hpang shani e Yuda du agyi ni, salang ni, Tara sara ni, Yerusalem mare hta hpawng nga ma ai.

KASA 6:12

Shing rai shanhte gaw mung masha ni hte agyi salang ni, Tara sara ni hpe myit sharawt ya nna shi hpe sa rim la nhtawm Kongsi hpawng a man e woi tawn mu ai.