MAHTE 2:3 - Jinghpaw Common Language Bible 2009

³ Herod Hkawhkam dai lam hpe na jang, shi hte Yerusalem mare masha ni yawng myit kahpra nga ma ai.

Jinghpaw Hanson Version Bible

³ Herod hkawhkam dai ga hpe na jang, shi hte Yerusalem na yawng hte hte rau myit kahpra nga ma ai rai nna,

MAHTE 2:3 ပူးပေါင်းရင်းမြစ်များ

2 HKAWHKAM 6:11

Dai lam a majaw Suri hkawhkam grai myit kahtet mat wu ai rai nna shi a du salang ni hpe shaga la nhtawm, “Nanhte hta na marai langai ngai Israela hkawhkam wa hpang maga de lawm ai masha mahkoi lawm nga myit dai kun?,” ngu nna san wu ai.

MAHTE 2:2

“Yuda ni a hkawhkam tai na matu shangai wa sai ma gaw kanang rai nga a ta? Sinpraw mung hta e shi a shagan dan pru ai hpe anhte mu lu sagaw ai rai nna, shi hpe nawku na anhte du sa raga ai,” nga nna san ma ai.

MAHTE 2:4

Herod hkawhkam gaw, dai amyu a hkinjawng agyi ni hte tara sara ni yawng hte hpe shaga jahpawng da nhtawm, “Meshia kanang e shangai wa na rai ta?,” ngu nna shanhte hpe san mu ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 24:6

Nanhte gaw ni ai, tsan ai shara hkan na majan gasat ai shiga nsen ni na lu na marin dai; rai ti mung myit hkum ru myit. Shing re ai lam ni gaw byin lu na ra ai, rai ti mung, dai ni gaw jahtum nhtoi du sai ngu ai lachyum garai n rai nga ai.

MAHTE 8:29

Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MARKU 13:7

Hpyen gasat ai nsen hte majan shiga ni hpe ni ai tsan ai shara kaw na nanhte na myit yang, myit hkum ru myit. Dai zawn re ai amu ni gaw byin lu na ra ai, rai ti mung dai gaw mungkan a jahtum nhtoi du sai ngu ai garai n rai nga ai.

KASA 4:2

Kasa yan gaw Yesu si ai kaw na bai hkrung rawt wa sai lam hkaw tsun nga ma ai majaw Saduke ni pawt bu nga ma ai. Hpa majaw nga yang Madu Yesu hkrung rawt wa ai lam gaw, si mat ai ni bai hkrung rawt wa na mara ai ngu ai lam teng nga ai hpe sakse madun nga ai.