MAHTE 2:23 - Jinghpaw Common Language Bible 2009

²³ Nazaret ngu ai mare hta dum nta hte rai anga nga ai. Dai rai nna, “Shi hpe Nazaret wa ngu na maru ai,” nga nna myihtoi ni tsun ai ga gaw dik wa sai.

Jinghpaw Hanson Version Bible

²³ Dai rai nna, “Nazare wa shi hpe ngu na maru ai,” nga nna myihtoi ni tsun ai ga gaw dik wa sai.

MAHTE 2:23 ပူးပေါင်းရင်းမြစ်များ

BU HKAWM 6:13

Nazari tai ai wa shi a ga shaka hpe jahpring shatsup ai shaloi htung hte maren galaw na rai wu ai. Shi gaw chyinghka lam de sa nhtawm,

MAHTE 1:22

Ndai lam ni gaw Madu nan myihtoi a n-gup hku nna tsun da sai ga dik wa u ga she byin wa sai.

MAHTE 21:11

Shawa masha ni mahtang, “Ndai wa gaw, Galile mung Nazaret mare na Yesu ngu ai myihtoi wa rai nga ai,” nga nna htan ma ai.

MAHTE 26:71

Bai nta jan de pru wa yang, nchyang numsha kaga shi hpe mu nna, “Ndai wa mung Nazaret na Yesu hte rau kanawn ai wa rai nga ai,” ngu wu ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

MARKU 1:9

Dai hpang gade nna yang, Yesu gaw, Galile ginwang Nazaret mare kaw nna sa du ai hte Yawhan a lata hte Yawdan hka hta e hkalup hkam la wu ai.

LUKA 1:26

Elisabet na-um na sin hkum shata kru du ai shaloi, Karai Kasang gaw lamu kasa Gabriela hpe, Galile ginwang, Nazaret mare de shangun dat wu ai.

LUKA 18:37

“Shaloi hkan nang ai ni gaw, Nazaret mare na Yesu lai sa wa nga ai,” ngu nna shi hpe tsun dan mu ai.

LUKA 2:39

Yosep yan Mari gaw dai Madu a tara hte maren, lam magup shatup da ngut jang, Galile Ginwang na tinang a buga Nazaret mare de bai wa ma ai.

YAWHAN 18:5

“Shanhte gaw, “Nazaret na Yesu hpe tam ga ai,” ngu nna shi hpe htan mu ai. Yesu gaw, “Ngai nan dai wa rai nga nngai,” ngu mu ai. Shi hpe ap kau na wa Yuda mung dai ni hte rau tsap nga ai.

YAWHAN 18:7

Yesu gaw, “Nanhte kadai hpe tam nga myit ta?,” ngu nna kalang mi bai san mu yang, shanhte gaw, “Nazaret na Yesu hpe tam ga ai,” nga nna bai tsun ma ai.

YAWHAN 19:19

Pilat mung masat shamying laika ka la nhtawm, wudang hta shakap tawn da wu ai. Dai ka da ai gaw, “Yuda ni a hkawhkam Nazaret wa Yesu,” ngu ai rai lu ai.

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 24:5

Ndai wa gaw, grai hkrit tsang ra ai dingbai dingna jaw ai wa, mungkan ting na Yuda masha ni kabring kabrawng woi galaw ai wa re ai hta n ga, Nazaret wa a hpung hta lawm ai ningbaw ningla langai mi mung rai nga ai.

TARA AGYI 13:5

na a shadang sha shangai ai hpang, shi a kara hpe nang galoi mung rep ya lu na n rai; hpa majaw nga yang, shi shangai wa ai shani kaw nna Nazari langai zawn Karai Kasang hta ap nawng da hkrum nga nu ai. Shi gaw Israela hpe Hpilisti masha ni a lata kaw na hkye mawai la ai amu galaw hpang na ra ai.

1 SAMUELA 1:11

Hana chyawm gaw dagam ga sadi hte ning ngu tawn da wu ai: “Chyahtum Chyalai N-gun rawng ai Madu e, na a shangun ma rai nga ai ngai hpe mada yu e law! Nye a ru yak tsin-yam tsindam hpe mu ya nna ngai hpe dum nga u law! Ngai hpe hkum malap kau et! Nang ngai hpe shadang sha jaw n yang gaw shi a kara galoi mung n doi kau ya ai sha, shi a prat dingsa, nang hpe ap ya na nngai, ngu nna ngai ga sadi jaw nngai.”