MAHTE 2:16 - Jinghpaw Common Language Bible 2009

¹⁶ Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

Jinghpaw Hanson Version Bible

¹⁶ Hpaji rawng ai ni Herod hpe hkalem kau ma ai, shi chye nga ai shaloi, shi ja ja masin pawt bu ai hte, hpaji rawng ai ni shi hpe madun dan ai aten sawn la nna, shi shangun dat nhtawm, Betlehem hte de a ginwang hkan e rawng nga ai, ni ning kaw nna lawu grit re ai lasha ma kaji nlang hte hpe, sat kau mu ai.

MAHTE 2:16 ပူးပေါင်းရင်းမြစ်များ

NINGPAWT NINGHPANG 39:14

shi a nta na shangun ma ni hpe shaga nna, “Da ndai hpe yu yu mu! Nye a madu wa ndai nta de woi tawn ai ndai Hebre masha wa gaw anhte hpe n sawn n sang di mi ai. Nye a gawk de shi shang wa nna ngai hpe roi na shakut wu ai majaw nsen kaba hte ngai dang lu ai daram jahtau dat we ai.

NINGPAWT NINGHPANG 39:17

Dai hpang shi gaw madu wa hpe, “Ndai kaw nang woi tawn da ai dai Hebre mayam wa gaw nye a gawk de shang nna ngai hpe n sawn n sang di wu ai.

NINGPAWT NINGHPANG 49:7

Shan a sindawng kahtet ai gaw grai laja nga ai majaw dagam dala hkrum nga ma ai, Shan a masin kahtet ai majaw dai gaw grai mazut nga ai. Ngai gaw shan hpe Israela mungdan ting de shabra kau na mawe ai; Ngai gaw shan hpe amyu masha ni hta na shabra kau na mawe ai.

2 HKAWHKAM 8:12

Hazaela gaw, “Nang hpa majaw hkrap nga n ta?,” ngu nna san wu ai. Elisha chyawm gaw, “Israela amyu masha ni hpe nang galaw na ra ai hkrit kajawng hpa amu ni a lam hpe ngai chye nga nngai. Nang gaw shanhte a hpyen dap ni hpe nat kau ya nhtawm wa ngan shabrang ni hpe sat sharu kau nna shanhte a ma kaji ni hpe gumpye sat ai hte na-um nasin re ai numsha ni hpe kan ga kau ya na rai myit dai majaw re,” ngu nna htan wu ai.

YOBA 12:4

Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

GA SHAGAWP 28:17

Masha sat mara lu ai wa gaw shi a nsung hku hpe lawan lu ai daram lawan nna htu nga ai; shi hpe hkum jahkring nga et;

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

Daniela 3:13

Dai aten, hkawhkam wa gaw masin pawt nna, dai marai masum hpe shi a man de woi wa na matu hkang dat wu ai.

HOSEA 10:14

hpyen majan gaw nanhte a amyu masha ni kaw du nna nanhte a hpyen dap ni hten byak mat na mara ai. Dai gaw Betarbela mare hta hpyen majan byin ai shani Hkawhkam Shalman e jahten sharun kau ai mare zawn tai mat nna, kanu ni hte shanhte a kashu kasha ni mung adit sat kau hkrum nga masai.

BU HKAWM 22:29

Balam mahtang, “Nang ngai hpe mana shachyoi kau nit dai majaw nhtu lu taw gaw, ngai nang hpe sat kau na we ai,” ngu nna htan wu ai.

BU HKAWM 24:10

Balak gaw masin pawt ai hte shi a lata ja ja latup let Balam hpe, “Nye a hpyen ni hpe matsa ya na matu ngai nang hpe shaga da nngai; rai ti mung shing di na malai ya nang masum lang shanhte hpe shaman kau ya nit dai.

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

MAHTE 2:17

Ning re ai hku nna, “Rama shara hta e ngoi ai nsen, ja ja sharung shayawt ai, na lu sai.

MAHTE 2:7

Shaloi Herod gaw, sinpraw mung na hpaji rawng ai ni hpe lagyim, shaga jahpawng la nna, dai shagan dan pru ai ladaw hpe shanhte kaw na azin ayang san achyin la wu ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

TARA AGYI 16:10

Delila gaw Samson hpe, “Yu u, nang ngai hpe teng man ai lam n tsun dan ai sha ngai hpe mana shachyoi kau nga nit dai. Marai langai ngai nang hpe kaning rai gyit la lu na lam ngai hpe chyeju hte tsun dan e,” ngu nna tsun wu ai.