MAHTE 2:13 - Jinghpaw Common Language Bible 2009

¹³ Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

Jinghpaw Hanson Version Bible

¹³ Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

MAHTE 2:13 ပူးပေါင်းရင်းမြစ်များ

1 HKAWHKAM 11:17

Hadad hte Egutu mung de hprawng lawt mat wa ai shi kawa a shangun ma ni rai nga ai Edom masha nkau mi hta kaga Edom mung na lasha nlang ni hpe shanhte sat kau mu ai. (Dai aten hta Hadad gaw ma kaji sha naw rai nga ai.)

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

YOBA 33:15

Masha ni shana e yup nga yang, Karai Kasang gaw yup mang hte shingran ni hta ga sa shaga nga ai.

YOBA 33:17

Karai Kasang gaw shanhte yubak galaw nga ai hpe jahkring kau shangun na matu mung; gumrawng gumtawng ai masha ni tai wa nga ai kaw nna hkye la na matu mung tsun nga ai.

PRU MAT 1:22

Jahtum e, hkawhkam wa gaw shi a mung masha ni yawng hpe, “Shangai wa sai lasha shagu hte hpe Nila hka nu de kabai bang kau ya mu, rai ti mung numsha ni yawng hpe chyawm gaw jahkrung da ya mu,” ngu nna hkang da ai ga hpe shabra dat wu ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu. Nanhte hpe ngai teng teng tsun made ai gaw, Israela mare nga manga hte hta nanhte galaw ra ai amu n ngut kre shi yang, dai Masha Kasha gaw du na ra ai.

MAHTE 2:12

Herod hpang hku bai n hprang wa mu ga, dai Madu gaw yup mang hta shanhte hpe sadi jaw da mu ai majaw, shanhte gaw tinang a mung de, lam kaga hku wa mat ma ai.

MAHTE 2:14

Shaloi Yosep rawt nna, dai ma kaji hte shi a kanu hpe woi nna shana aten hta Egutu mung de htawt sa mat wa ma ai rai nna, Herod

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

MAHTE 2:22

Rai ti mung, Arkela-u gaw shi a kawa Herod a malai, Yuda mung hta e hkawhkam tai nga ai shi na wu ai shaloi, dai de wa na shi hkrit nga ai; dai hta kaga yup mang hta shi hpe bai matsun ai lam ni lu la wu ai majaw, Galile mung de shi bai htawt nna,

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 10:7

Dai lamu kasa wa mat ai hpang Korneli gaw shangun ma lahkawng hte shi kaw tut hkan nga ai ni hta na tara hkungga ai hpyen la langai mi shaga la nna,

KASA 12:11

Ya Petru gaw shi hta hpa baw byin wa sai lam myit dum arai la lu jang, “Madu gaw shi a Lamu kasa hpe shangun dat nna Herod a lata na mung Yuda masha ni ngai hpe katut sha shangun na myit mada nga ma ai kaw na mung, ngai hpe shaw mawai la sai teng nga ai gaw ya ngai chye se ai,” nga nna tsun ai.

KASA 12:7

Akajawng sha, Madu a lamu kasa langai mi Petru a makau pru tsap nna dai gawk hta nhtoi htoi nga ai. Shi gaw Petru a lahpa hpe sa gumhpuk ashun ya nna, “Alawan rawt u!,” ngu nna jasu ai. Shaloi jang hpri sumri ni mung shi a lata na malaw hkrat lu ai.

KASA 16:36

Shaloi htawng agyi wa, dai ga Pawlu hpe tsun dan wu ai gaw, “Nan hpe dat dat na, mare tara agyi ni hkang dat ma ai majaw, ya angwi apyaw sha pru wa manu!” ngu mu ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

KASA 7:19

Dai Hkawhkam wa gaw, anhte a bawsang ni hpe hpaji hte manai nna zingri zingrat di ma ai, shanhte a ma chyangai ni si mat mu ga, nta shinggan e adip arip tawn da shangun ma ai.

YAWSHU 3:13

Ginding aga yawng a Madu a Ga Shaka Sumpu hpe hpai ai hkinjawng ni hka de shanhte a lagaw kabye hkra dat ai shaloi jang, lwi nga ai Yawdan hka gaw hkring mat nhtawm hka hku de na hka gaw shara mi hta sumpum tsaw mat wa na ra ai,” ngu nna tsun wu ai.

YAWSHU 3:17

Amyu masha ni hkun hkraw ai ga ntsa hku kabye rap nga ma yang, dai Madu a Ga Shaka Sumpu hpai nga ai hkinjawng ni gaw amyu masha ni yawng rap kawt mat wa ai aten du hkra Yawdan hka ka-ang na hkun hkraw ai ga ntsa e tsap nga ma ai.

YAWSHU 4:10

Amyu masha ni galaw na matu dai Madu Yawshu hpe hkang da nu ai amu magup ngut kre ai aten du hkra, Yawdan hka ka-ang e hkinjawng ni tsap nga ma ai. Ndai gaw Mawshe hkang da sai lam rai nga ai. Amyu masha ni chyawm gaw tin tin rap mat wa ma ai.

YAWSHU 4:18

hkinjawng ni hka hkin-gau de kabye lung wa ai hte hka gaw lang mi bai lwi wa nna, de a hkin-gau de bai lim mat hkra tung nga ai.

SHINGRAN 12:14

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai.

SHINGRAN 12:4

Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

SHINGRAN 12:6

Dai numsha gaw, shi a matu Karai Kasang lajang da ya ai nam mali de hprawng mat wa ai. Dai shara hta nhtoi 1,260 ya du hkra shi hpe bau maka na maru ai.