MAHTE 2:11 - Jinghpaw Common Language Bible 2009

¹¹ Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

Jinghpaw Hanson Version Bible

¹¹ Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.

MAHTE 2:11 ပူးပေါင်းရင်းမြစ်များ

NINGPAWT NINGHPANG 43:11

Shanhte a kawa chyawm gaw, “Dai rai taw, ning rai mu: dai mung du wa a matu kumhpa shatai na ndai mung na kaja htum ai balsam naw loi mi, lagat ntsin loi mi, manam hawm ai baw namji namya ni, mura, chyaran si hte batan si ni hpe nanhte a magun lit ni hta bang nna la sa ya mu.

1 HKAWHKAM 10:10

Shi gaw Hkawhkam Shawlumon hpe shi la sa ai ja tan manga daram, manam pyaw ai namji namya hte lungseng law law jaw ya wu ai. Hkawhkam Shawlumon hpe shi sak jaw ai dai manam pyaw ai baw namji namya gaw hkawhkam wa gara aten galoi mung lu la yu ai kumhpa hta grau law htum rai nga ai.

1 HKAWHKAM 10:2

Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lungseng ni hte ja law law htaw let woi sa wa wu ai. Shi gaw Shawlumon hte hkrum jang, shi myit shapraw lu ai ga san yawng hte shi hpe san yu wu ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 45:8

Na a hpun palawng ni gaw mura, achyaw ni hte manam pyaw nga ai; tingse dum ai ni mung magwi kawng hte mawn sumli da ai hkawhkam htingnu ni hta nang hpe shangwi shapyaw ya nga ma ai.

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

SHAKAWN KUNGDAWN 72:15

Hkawhkam wa a asak galu nga u ga! Arabi mung na aja ni hpe hkam la lu u ga; shi a matu akyu hpyi ya nga ai ni, aten shagu hpyi ya lu mu ga; Karai Kasang a chyeju ni gaw shi a ntsa e, tut nawng anga nga u ga law!

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

PRU MAT 30:23

“Kaja htum ai manam pyaw ai baw namji namya, mura sau pawng 12, manam pyaw ai baw hpun maza hpyi pawng 6, manam pyaw ai baw ri pawng 6,

PRU MAT 30:34

Dai Madu gaw Mawshe hpe, “Manam pyaw ai baw ngu ai natap naw, Onihka, Galaban, manam pyaw ai baw hte jet ai lawban amyu ni hpe maren ren sha shen la na rai ndai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

ESAIA 60:6

Gawla-uk ni hte hpaga ga ai wunawng mi gaw Midian hte Ehpa mung kaw na du sa wa na mara ai. Shanhte gaw Sheba mung na aja hte manam pyaw ai baw la sa na mara ai. Amyu masha ni gaw dai Madu galaw nu ai kabu gara shiga a lam tsun na mara ai!

JAW JAU 6:15

Dai hpang shi gaw mani ai shadung latup mi, sau hte manam pyaw ai lawban ni tawn hkungri de la sa nhtawm dai ni yawng dai Madu hpe nawng jau sai masat dingsat langai zawn tawn hkungri hta nat na rai wu ai. Dai hkungga sangau bat gaw dai Madu hpe awng sharawng shangun nga ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 1:18

Ya, Yesu Hkristu kaning rai shangai chyinghkai wa ai lam ning rai nga ai; Shi a kanu Mari gaw Yosep hte mahtan da nga ai rai nna, shan garai n hkungran ai majaw garai n kanawn yang, Mari gaw dai Chyoi Pra ai Wenyi a majaw na-um nasin rai wa sai.

MAHTE 12:46

Shawa masha ni hpe Yesu ga naw shaga nga yang, shi a kanu hte kanau ni gaw, shi hte ga tsun na nga nna shinggan e la tsap nga ma ai.

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 2:10

Dai shagan mung ma kaji nga ai shara a ntsa e ang ang di rai sa hkring mat ai ten du hkra shanhte a shawng e sa wa ai.

MAHTE 2:2

“Yuda ni a hkawhkam tai na matu shangai wa sai ma gaw kanang rai nga a ta? Sinpraw mung hta e shi a shagan dan pru ai hpe anhte mu lu sagaw ai rai nna, shi hpe nawku na anhte du sa raga ai,” nga nna san ma ai.

LUKA 2:16

Shingrai shanhte tin tin sa nna, Mari yan Yosep hpe mung, ushat wakang hta kaleng taw nga ai ma hpe mung mu ma ai.

LUKA 2:38

Shi mung dai ahkying e nan du sa wa nna Karai Kasang hpe shakawn kungdawn let, Yerusalem hpe hkye hkrang la na lam myit mada nga ai ni yawng hte hpe dai ma a lam tsun dan mu ai.

YAWHAN 19:39

Shawng de shana e Yesu kaw sa chyai yu ai Nikodi mung Mura hte achyaw (Aloes) kayau ai manam pyaw ai baw sau pawng latsa daram la sa nna Yosep hte rau hkan nang sa ai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai. Shanhte langai hte langai gaw tingse hte Karai Kasang a masha ni a akyu hpyi ai ga ngu ai manam pyaw ai baw hte hpring chyat nga ai ja gawm ni hpe mung lang nga ma ai.

1 SAMUELA 10:27

Rai ti mung, masha gumbyak nkau mi mahtang, “Ndai masha wa sha mi anhte hpe kaning rai mai kaja lam galaw ya lu na rai nga a ta?,” ngu nna tsun ma ai. Shanhte gaw shi hpe n kaw n law di mu ai hte kumhpa hpa mung n sa sak jaw ma ai.