MAHTE 2:10 - Jinghpaw Common Language Bible 2009

¹⁰ Dai shagan mung ma kaji nga ai shara a ntsa e ang ang di rai sa hkring mat ai ten du hkra shanhte a shawng e sa wa ai.

Jinghpaw Hanson Version Bible

¹⁰ Dai shagan hpe mu mu ai shaloi, shanhte nachying kabu gara nga ma ai.

MAHTE 2:10 ပူးပေါင်းရင်းမြစ်များ

SHAKAWN KUNGDAWN 105:3

Anhte hpe shi madu da nga ai majaw kabu gara nga mu; shi hpe nawku daw jau ai ni myit dik myit pyaw lu mu ga.

SHAKAWN KUNGDAWN 67:4

Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

MAHTE 2:11

Shanhte dai nta hta e shang bang wa ma yang, dai ma kaji hte kanu Mari hpe shanhte mu mu ai rai nna, lahput hput di let shi hpe nawku mu ai. Tinang a sut sumpu hpaw nna, shi hpe aja, lawban, mura ngu ai kumhpa ni sak jaw mu ai.

MAHTE 2:9

Shing rai shanhte pru mat wa ma ai rai nna, lam e Sinpraw mung kaw nna shanhte mu ai shagan hpe nan bai mu lu ma ai shaloi, shanhte nachying kabu gara nga ma ai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 2:20

Sagu rem ai ni mung shanhte wa nna, shanhte hpe lamu kasa tsun dan manu ai hte maren, na la, mu la, ai lam mahkra a majaw, Karai Kasang hpe shagrau sha-a nna, shakawn kungdawn let bai wa ma ai.

TARA JAHPRANG 32:13

“Shi gaw shanhte hpe tsaw grau ai shara ni up shangun nna yi hkauna hta tu ai nsi naisi ni hpe sha nga ma ai. Lunghkrung lunghtawn hkan na lagat ntsin mu tam nna lungbra ni hta tsanlun hpun ni tu abya nga ai.