MAHTE 19:9 - Jinghpaw Common Language Bible 2009

⁹ Nanhte hpe ngai tsun made ga, tinang a madu jan hpe, sadi n dung nna arawn alai hten run mat ai mara hta lai nna, kaga hpa baw mara a majaw mung jahka kau nhtawm, num kaga hpe hkungran la ai wa kadai mung, num shaw ai wa rai nga ai,” ngu nna shanhte hpe tsun mu ai.

Jinghpaw Hanson Version Bible

⁹ Nanhte hpe ngai tsun made ga, Hpye ai lam hta kaga, tinang a madu jan hpe shabawn kau nhtawm, num kaga hpe hkungran la ai wa kadai mung, num shaw ai wa tai nga ai,” ngu nna shanhte hpe tsun wu ai.

MAHTE 19:9 ပူးပေါင်းရင်းမြစ်များ

NINGPAWT NINGHPANG 20:3

Karai Kasang chyawm gaw lana mi na aten hta, yup mang hte shi kaw dan pru nna, “Masha e la da sai ndai num hpe nang woi la nit dai majaw, nang si na rin dai,” ngu nna tsun wu ai.

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

YEREMIA 3:1

Dai Madu gaw, “Lasha langai ngai gaw shi a madu jan hpe jahka kau nna, num dai gaw shi kaw na pru mat wa ai hte kaga masha wa a madu jan tai ai rai yang, shi gaw dai numsha hpe bai la lu na n rai. Dai zawn re ai amu gaw lamu ga hpe tsep kawp awu asin di nga ai. Rai ti mung, Israela e, nang chyawm gaw sumtsaw law law lu yu nga ndai, ya chyawm gaw nang ngai hpang de nhtang wa mayu nga nit hka!

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

EZEKELA 16:15

“Rai ti mung, nang gaw na a tsawm htap ai hpe zai hku nna nang kaw sa ai ni yawng hte rau yup ai hta kajai gumhkawng nga ndai.

EZEKELA 16:29

Nang gaw Babelon masha hpaga la ni a matu shawa num amu galaw ya ti mung, shanhte gaw nang hpe mung myit dik nga ma ai n rai,” nga nna tsun ai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

MAHTE 19:10

Dai rai nna shi a sape ni gaw, “Tinang a madu jan hte madu wa a lapran dai hku rai nga yang gaw, n hkungran yang mahtang grau mai nga ai,” ngu mu ai.

MAHTE 19:8

Yesu gaw, “Nanhte hpe sharin shaga na matu myit ja ai hte yak la nga myit dai majaw, tinang a madu jan hpe jahka kau na ahkang, Mawshe nanhte hpe jaw da manit dai rai nga ai. Rai ti mung shawng ningpawt e hpan da ai aten hta shing n nga ai.

MAHTE 5:32

Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

LUKA 16:18

“Tinang a madu jan hpe jahka kau nna, num kaga la ai wa kadai mung, num shaw ai rai nga ai, madu wa jahka kau ai num hpe la ai wa mung, num shaw ai rai nga ai.

1 KORINHTU 5:1

Ya Hkristan n re ai maigan masha ni pyi n hkan galaw ai hkrithpa num la nse nsa lam nanhte hta nga nga ai lam masha ni hkrak tsun kajai nga ma ai hpe ngai na lu nngai. Masha langai mi gaw shi a hpang kanu hte rau nga sha nga ai lam ngai na lu nngai.

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

1 KORINHTU 7:4

Madu jan gaw tinang a hkum hkrang a madu n tai lu ai, dai madu wa she madu nga ai, dai hte maren madu wa mung, tinang a hkum hkrang a madu n tai lu ai, shi a madu jan she madu rai nga ai.