MAHTE 19:8 - Jinghpaw Common Language Bible 2009

⁸ Yesu gaw, “Nanhte hpe sharin shaga na matu myit ja ai hte yak la nga myit dai majaw, tinang a madu jan hpe jahka kau na ahkang, Mawshe nanhte hpe jaw da manit dai rai nga ai. Rai ti mung shawng ningpawt e hpan da ai aten hta shing n nga ai.

Jinghpaw Hanson Version Bible

⁸ Shi gaw, “nanhte a myit ja nga malit dai majaw, tinang a madu jan hpe shabawn kau na ahkang, Mawshe jaw myit dai; rai timung, shawng npawt kaw nna shing n nga ai.

MAHTE 19:8 ပူးပေါင်းရင်းမြစ်များ

NINGPAWT NINGHPANG 2:24

Dai re ai majaw, lasha gaw shi a kanu yan kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na mara ai.

NINGPAWT NINGHPANG 7:7

Shi hte shi a madu jan, shi a shadang sha ni hte shanhte a madu jan ni gaw sha-u sha-ing ai kaw nna lawt lu hkra nga, sanghpaw li kata de shang ma ai.

SHAKAWN KUNGDAWN 95:8

“Meriba e nga lai wa sai nanhte a kaji kawa ni zawn nanhte a du ni hpe hkum shaja da nga myit; nam mali na Masa shara e, nanhte a kaji kawa ni nga lai wa ai shaloi na zawn, nanhte a myit hpe hkum shaja da nga myit.

YEREMIA 6:16

Dai Madu gaw shi a amyu masha ni hpe, “Lam numshe hkan e tsap nga nna yu yu mu. Lam dingsa ni hte kaja htum ai lam hpe san mu; shing rai dai lam hta hkawm sa mu, shaloi nang gaw myit masin sim sa ai hte nga lu na rai ndai,” ngu nna tsun ni ai. Rai ti mung, shanhte gaw, “N rai law, anhte n hkan na ga ai!,” ngu nna tsun ma ai.

ZEHKARIA 7:12

chyinghka la kau nhtawm, shanhte a myit masin kraw lawang hpe mung lunghkrung zawn ja shangun nga ma ai. Moi na myihtoi ni a n-gup aga hku tsun ai sharin shaga ga hpe shanhte n madat ma ai majaw ngai masin grai pawt nngai.

MAHTE 19:7

Hparishe ni gaw, “Dai rai yang gaw, jahka ai laika jaw nna shi hpe shabawn kau lu na, nga nna Mawshe hpa majaw hkang da nga a hka?,” ngu mu ai.

MAHTE 19:9

Nanhte hpe ngai tsun made ga, tinang a madu jan hpe, sadi n dung nna arawn alai hten run mat ai mara hta lai nna, kaga hpa baw mara a majaw mung jahka kau nhtawm, num kaga hpe hkungran la ai wa kadai mung, num shaw ai wa rai nga ai,” ngu nna shanhte hpe tsun mu ai.

MAHTE 3:15

Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

MAHTE 8:31

Dai rai nna, nat ni Yesu hpe hpyi nem ma ai gaw, “Nang anhte hpe shaden kau na rai n-yang gaw, dai wa wunawng hta anhte hpe shang shangun mi,” ngu ma ai.

MARKU 10:5

Yesu gaw, “Nanhte hpe sharin ya na nanhte a myit ja la nga malit dai majaw, shi nanhte a matu ndai tara ka da nu ai.

MARKU 16:14

Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.

1 KORINHTU 7:6

Ning ngu nna ngai tsun ai gaw, nanhte hpe jep hkang da nngai n rai, shayawm nna ahkang jaw ai lam sha rai nga ai.

1 SAMUELA 25:43

Dawi gaw Yezrela mare na Ahinoam hpe mung hkungran la nu ai rai nna Abigala mung shi a madu jan tai nga nu ai.