MAHTE 19:6 - Jinghpaw Common Language Bible 2009

⁶ Dai majaw shan gaw lahkawng rai nga ma ai n rai, hkum shan langai sha rai nga ma ai. Dai rai nna Karai Kasang matut da nu ai hpe masha gaw n jahka kau u ga,” ngu nna htan mu ai.

Jinghpaw Hanson Version Bible

⁶ Dai majaw shan gaw, lahkawng rai nga ma ai n rai, hkum shan langai sha rai nga ma ai. Dai rai nna, Karai Kasang matut da nu ai hpe, masha gaw n jahka kau u ga,” ngu nna htan wu ai.

MAHTE 19:6 ပူးပေါင်းရင်းမြစ်များ

GA SHAGAWP 2:17

tinang a hkungran la wa hta kangka sadi dung ai lam n nga ai sha, shi a chyoi pra ai ga shaka hpe malap kau ai num hpe nang hkap manga kau lu na rin dai.

MALAHKI 2:14

Nanhte gaw hpa majaw dai ni hpe shi galoi mung n hkap la ai hpe san myit dai. Dai gaw na a brang ram prat e nang hkungran da sai madu jan hpe jaw ai na a ga sadi hpe nang run kau nit dai hpe shi chye ai majaw rai nga ai. Shi gaw na a kanawn manang rai nga ai hte shi hta sadi dung na nngai ngu, Karai Kasang a man e nang ga sadi jaw ti mung na a ga sadi hpe nang run kau nga ndai.

MALAHKI 2:16

Dai Madu Israela a Karai Kasang gaw, “Ngai gaw num jahka ai hpe n dawng nngai. Nanhte hta na langai ngai tinang a madu jan hpe dai zawn n hkru ai amu galaw ai shaloi, dai hpe ngai n dawng nga nngai. Na a madu jan hta sadi dung nga na ngu nna, jaw ai na a ga sadi hpe nang teng teng hkum run kau et,” ngu nna hkang da wu ai.

MAHTE 19:5

‘De a majaw lasha gaw shi a kanu yan kawa hpe kau da nhtawm madu jan hte kanawn nna, shan lahkawng gaw hkum shan langai sha tai lu na mara ai,’ nga nna Karai Kasang tsun ai hpe Chyum Laika hta n hti yu myit ni?

MAHTE 19:7

Hparishe ni gaw, “Dai rai yang gaw, jahka ai laika jaw nna shi hpe shabawn kau lu na, nga nna Mawshe hpa majaw hkang da nga a hka?,” ngu mu ai.

MARKU 10:9

Dai rai nna, Karai Kasang matut da nu ai hpe, masha gaw n jahka kau u ga,” ngu mu ai.

ROMA 7:2

Ga shadawn tsun ga nga yang, Hkungran sai numsha langai mi gaw shi a madu wa asak naw hkrung nga dingsa, hkungran ai tara hte gyit hkang da nu ai. Rai ti mung, madu wa si mat a yang gaw, madu wa hte gyit hkang da ai tara hta na shi lawt nu ai.

EHPESU 5:28

Dai rai nna madu wa ni gaw, tinang a hkum hpe tsaw ra nga ai zawn tinang a madu jan ni hpe tsaw ra nga na mai nga ai. Tinang a madu jan hpe tsaw ra ai wa gaw, tinang a hkum hpe mung tsaw ra nga ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.