MAHTE 19:5 - Jinghpaw Common Language Bible 2009

⁵ ‘De a majaw lasha gaw shi a kanu yan kawa hpe kau da nhtawm madu jan hte kanawn nna, shan lahkawng gaw hkum shan langai sha tai lu na mara ai,’ nga nna Karai Kasang tsun ai hpe Chyum Laika hta n hti yu myit ni?

Jinghpaw Hanson Version Bible

⁵ De a majaw lasha gaw shi a kanu yan kawa hpe kau da nhtawm, madu jan hte kanawn nna, shan lahkawng gaw hkum shan langai sha tai lu na mara ai, nga nna shi tsun ai ga hpe nanhte n hti yu myit ni?

MAHTE 19:5 ပူးပေါင်းရင်းမြစ်များ

NINGPAWT NINGHPANG 34:3

Rai ti mung, dai numsha a ahpraw ningja grai tsawm htap nga ai hpe shi mu wu ai majaw shi hta tsaw ra myit anoi nga ai rai nna shi a tsaw ra myit hpe hkam la lu na matu shakut wu ai.

2 SAMUELA 1:26

“Ngai hpu Yonahtan e, na a majaw ngai yawn nga nngai; Nang gaw ngai hpe kade sha tsaw ra nga nit hka! Nang ngai hpe tsaw ra ai gaw kade sha mauhpa rai nga a hka! Dai gaw numsha ni a tsaw ra myit hta pyi grau nga a hka!

1 HKAWHKAM 11:2

Dai Madu gaw Israela masha ni kaga amyu n bung ai num la ni hte n la hkat na matu hkang da nga ai; hpa majaw nga yang shanhte gaw Israela masha ni hpe kaga karai ni hta sadi dung mat wa shangun lu nga ai.

SHAKAWN KUNGDAWN 45:10

Hkawhkam wa a num nnan jan e, ngai hpa tsun na lam hpe madat la u; na a amyu masha ni hte na a makyin jinghku ni hpe malap kau u.

SHAKAWN KUNGDAWN 63:8

Ngai nang kaw hkan jum noi nga nngai; na a lata ngai hpe shim hkra makawp maga ya nga ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

MAHTE 19:6

Dai majaw shan gaw lahkawng rai nga ma ai n rai, hkum shan langai sha rai nga ma ai. Dai rai nna Karai Kasang matut da nu ai hpe masha gaw n jahka kau u ga,” ngu nna htan mu ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

1 KORINHTU 6:16

Shawa num hte shi a hkum hkrang gumhpawn kau ai wa gaw, dai shawa num hte hkum hkrang langai sha rai mat sai hpe nanhte n chye nga myit ni? Chyum Laika hta, “Shan lahkawng gaw hkum shan langai sha tai na mara ai,” nga nna tsun da nga ai.

1 KORINHTU 7:2

Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

1 KORINHTU 7:4

Madu jan gaw tinang a hkum hkrang a madu n tai lu ai, dai madu wa she madu nga ai, dai hte maren madu wa mung, tinang a hkum hkrang a madu n tai lu ai, shi a madu jan she madu rai nga ai.

EHPESU 5:31

Dai Chyum laika hta tsun ai hte maren, “Ndai lam a majaw lasha gaw shi a kanu kawa hpe kau da nhtawm shi a madu jan hte kanawn manoi nga na rai nna shan lahkawng gaw hkum shan langai sha tai lu na mara ai.”

TARA JAHPRANG 10:20

Dai Madu nanhte a Karai Kasang hpe hkrit hkungga nna shi hpe chyu sha nawku lu na rai myit dai. Shi hta sadi dung let shi a mying ningsang hta chyu sha ga sadi ni hpe shagrin da lu na rai myit dai.

TARA JAHPRANG 11:22

“Ngai nanhte hpe jaw mase ai tara ni yawng hpe sadi sahka hte madat mara hkan sa nga mu; dai Madu nanhte a Karai Kasang hpe tsaw ra let shi hkang da ai lam magup hte hpe galaw nna shi hta sadi dung nga mu.

TARA JAHPRANG 4:4

rai ti mung dai Madu nanhte a Karai Kasang hta kam sham manoi nga sai nanhte chyawm gaw dai ni du hkra naw hkrung nga lu manit dai.

1 SAMUELA 18:1

Shawlu hte ga tsun ngut ai hpang, Shawlu a kasha Yonahtan gaw Dawi hpe grai myit yu kap mat ai rai nna, shi hkum hte maren tsaw ra wu ai.

1 SAMUELA 25:43

Dawi gaw Yezrela mare na Ahinoam hpe mung hkungran la nu ai rai nna Abigala mung shi a madu jan tai nga nu ai.