MAHTE 19:4 - Jinghpaw Common Language Bible 2009

⁴ Yesu gaw, “Shawng ningpawt e hpan da ai Wa gaw, lasha yan numsha hpe hpan da nu ai.

Jinghpaw Hanson Version Bible

⁴ Shi gaw, “Shawng nnan e hpan da ai wa gaw, lasha yan numsha hpe hpan da mu ai rai nna,

MAHTE 19:4 ပူးပေါင်းရင်းမြစ်များ

NINGPAWT NINGHPANG 1:27

Dai rai nna Karai Kasang gaw shinggyim masha ni hpe hpan da nna shi hte nan bung wa hkra shan hpe galaw da nga ai. Shi gaw numsha hte lasha hpe hpan da let,

NINGPAWT NINGHPANG 2:18

Shaloi dai Madu Karai Kasang gaw, “Dai shinggyim lasha gaw shi hkrai nga na n mai nga ai. Shi hpe karum shingtau na matu ram ging ai nrum ntau langai galaw na we ai,” nga nna tsun ai.

NINGPAWT NINGHPANG 2:23

Shaloi dai masha gaw, “Ya, ndai gaw nye a hkum hte nan bung ai; Nye a nra hta na nra, nye a ashan hta na ashan rai nga ai. Shi a amying ‘Numsha’ rai nga ai; hpa majaw nga yang shi gaw lasha hta na shaw la ai rai nga ai,” nga nna tsun ai.

NINGPAWT NINGHPANG 5:2

Shi gaw numsha hte lasha hpe hpan da nna dai ni hpe shaman ya nhtawm shanhte hpe, “Shinggyim Masha,” ngu nna shamying wu ai.

2 HKAWHKAM LABAU 24:3

Yehoiada chyawm gaw Hkawhkam Yosha a matu madu jan lahkawng lata ya wu ai rai nna shan mung shi a matu shayi shadang sha ni shaprat ya ma ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

MAHTE 12:3

Yesu gaw, “Dawi gaw shi kaw hkan nang ai ni hte rau kawsi hkrum ma yang, hpa galaw ma ai lam kalang mi mung n hti yu myit ni?

MAHTE 21:42

Yesu shanhte hpe tsun mu ai gaw, “Wahpang galaw ai ni akyu n rawng ai ngu nna lata kau ai nlung gaw, ningjut jahtum na ahkyak dik ai nlung tai wa sai. Dai gaw, Madu a majaw byin wa sai rai nna, anhte a man e mauhpa amu nan rai nga ai, nga ai ga hpe, nanhte dai laika hta lang mi pyi n hti yu myit ni?

MAHTE 21:6

Shing rai dai sape yan sa nhtawm, Yesu shan hpe hkang dat mu ai hte maren galaw ma ai rai nna,

MAHTE 22:31

Ya, si ai ni bai hkrung rawt wa na lam hte seng nna, nanhte hpe Karai Kasang tsun dan ai ga nanhte n hti yu myit ni? Shi gaw, ‘Ngai gaw Abraham a Karai Kasang, Isak a Karai Kasang, Yaku a Karai Kasang rai nga nngai,’ nga nna tsun ai.

MARKU 12:10

‘Wahpang gaw ai ni akyu n rawng sai ngu nna lata kau ai nlung gaw, yawng hta ahkyak dik ai njut jahtum na nlung tai wa sai.

MARKU 12:26

Ya si mat ai ni a bai hkrung rawt wa na lam hte seng nna, Mawshe a laika hta dai wan grung nga ai singwum a lam ka da ai daw hpe n hti yu myit ni? Dai daw hta Karai Kasang gaw Mawshe hpe, ‘Ngai gaw Abraham a Karai Kasang, Yaku a Karai Kasang rai nga nngai,” nga nna tsun ai hpe ka da nga ai.

MARKU 2:25

Shaloi Yesu gaw, “Dawi hte shi a manang ni lusha kadawn nna, kawsi hkrum nga ai shaloi hpa baw galaw ma ai lam kalang mi muk n hti yu myit ni?

LUKA 10:26

Yesu gaw, “Tara hta kaning nga ka da a ta? Nang dai ni hpe gara hku lachyum htai la n ta?,” ngu nna shi hpe htan wu ai.

LUKA 6:3

Yesu gaw shanhte hpe, “Dawi gaw, shi hte shi kaw hkan nang ai ni kawsi ai shaloi hpa galaw ai lam nanhte n hti yu myit ni?