MAHTE 19:27 - Jinghpaw Common Language Bible 2009

²⁷ Shaloi Petru htan nna, “Yu u, anhte gaw, arai yawng mayawng hpe kau da nna, nang kaw hkan saga ai, dai rai nna anhte hpa lu la na rai nga ga ta?,” ngu wu ai.

Jinghpaw Hanson Version Bible

²⁷ Shaloi Petru htan nna, “Yu u, anhte gaw arai yawng mayawng hpe kau da nna, nang kaw hkan nang saga ai; dai rai nna anhte hpa lu la na rai nga ga ta?” ngu wu ai.

MAHTE 19:27 ပူးပေါင်းရင်းမြစ်များ

MAHTE 19:26

Yesu shanhte hpe azi mada yu nna, “Masha a atsam hte kadai wa hpe mung hkye hkrang la na matu dang di lu ai n rai; Karai Kasang mahtang gaw yawng mayawng hpe dang di lu nga ai,” ngu wu ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 9:9

Yesu gaw dai shara kaw na sa mat wa yang, shi a kang hta ai sum e dung nga ai Mahte ngu ai kang hta ai wa hpe mu hkrup nna, “Ngai kaw hkan nang rit,” ngu shi hpe tsun wu ai. Shaloi Mahte rawt nna shi kaw hkan nang nga ai.

MARKU 10:28

Dai shaloi Petru gaw, “Yu u, anhte arai yawng mayawng hpe kau da nna nang kaw hkan nang saga ai,” ngu nna tsun pru wa ai.

MARKU 2:14

Yesu matut nna hkawm sa mat wa yang, Alhpe a kasha kang hta ai Lewi ngu ai wa hpe shi a kang hta ai sum e dung nga ai hpe mu hkrup wu ai. Yesu gaw, “Ngai kaw hkan nang rit,” ngu nna shi hpe tsun wu yang, Lewi mung rawt nna Madu a hpang hkan nang nga ai.

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

LUKA 15:29

Rai ti mung shi gaw, ‘Yu u, nde nlaw ning tup mayam langai mi zawn na a amu galaw ya ni ai; na a hkang ai ga ni hpe ngai galoi n lale ga nngai; rai ti mung, nye a kanawn manang ni hte pyaw poi sha na matu bainam kasha langai mi pyi nang ngai hpe galoi n jaw ndai.

LUKA 18:28

Dai hpang Petru gaw, “Yu u! nang kaw hkan nang na matu anhte a dum nta ni hpe tawn kau da saga ai,” ngu nna tsun wu ai.

LUKA 5:11

Dai ni hpe danam e jahkring tawn da nhtawm, shanhte gaw, arai mahkra kau da nna, Yesu kaw hkan nang ma ai.

1 KORINHTU 1:29

De a lachyum gaw, Karai Kasang a man e kadai mung gumrawng gumtawng n rai lu na matu rai nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

TARA JAHPRANG 33:9

Shanhte gaw tinang a kanu kawa, kahpu kanau hte kashu kasha ni hta grau nna, Nang hta sadi dung ai lam madun dan nga ma ai. Na a hkang da ai ga ni hpe shanhte madat mara nna, na a ga shaka hta sadi dung nga masai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.