MAHTE 19:17 - Jinghpaw Common Language Bible 2009

¹⁷ Yesu gaw, “Nang gaw mai kaja ai amu hte seng ai lam, hpa rai ngai hpe san yu n ta? Kaja ai wa Langai mi sha nga ai. Nang nan asak hkrung ai de shang mayu n yang gaw jep ai tara hpe hkan sa u,” ngu nna shi tsun wu ai.

Jinghpaw Hanson Version Bible

¹⁷ Shi gaw, “Kaja ai ngu mai ai lam, nang hpa rai ngai hpe san yu n ta? Kaja ai wa langai mi nga nga ai: nang nan asak hkrung ai de shang mayu n yang gaw, jep ai tara hpe hkan nang nga u,” ngu nna shi hpe tsun wu ai.

MAHTE 19:17 ပူးပေါင်းရင်းမြစ်များ

NEHEMIA 9:29

Na a sharin shaga ga ni madat na matu shanhte hpe nang sadi jaw nga ndai, rai ti mung shanhte gaw gumrawng gumtawng ai hte na a tara ni hpe mung, na a Tara shatup ai gaw asak lam rai nga ti mung ningdang kau ma ai. Baw ja ai hte du ja nga ai majaw, shanhte n madat n mara ma ai.

SHAKAWN KUNGDAWN 119:68

Nang gaw kade wa mai kaja nga ai hte kade wa matsan dum nga a hka! Ngai hpe na a hkang da ai ga matsun ni sharin ya e.

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

EZEKELA 20:21

“Rai ti mung, dai ban na masha ni mung ngai hpe gumlau ninghkap ma ai. Shanhte gaw nye a tara ni hpe jahten kau ma ai hte dai lam ni hpe hkan sa madat mara ai ni kadai hpe mung asak hkrung shangun lu ai nye a hkang da ai matsun maroi ga ni hpe n hkan ma ai. Shanhte gaw dai Bansa Nhtoi hpe awu asin di kau ma ai. Shanhte yawng hpe dai nam mali e jahtum kau na matu nye a sindawng kahtet ai a n-gun hkam sha lu mu ga, ngai shajin da ni ai.

JAW JAU 18:5

Ngai nanhte hpe jaw da ai hkan sa lam ni hte tara ni hta hkan nang lu na rai myit dai. Dai hpe hkan galaw ai a jaw e, nanhte asak hkrung nga lu na rai myit dai; ngai gaw dai Madu nan rai nga nngai.”

ROMA 10:5

Jep ai Tara hkan shatup ai hte Karai Kasang a man e ding hpring ai masha tai lu ai lam hte seng nna Mawshe gaw, “Jep ai Tara hkan shatup ai wa gaw hkrung nga na ra ai,” nga nna ka da nu ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

1 YAWHAN 4:16

Dai rai nna, anhte a ntsa e Karai Kasang a tsaw ra myit tawn da nga ai lam hpe anhte nan chye ga ai hte kam sham ga ai. Karai Kasang gaw tsaw ra ai myit rai nga ai; dai rai nna tsaw ra ai myit hta asak hkrung ai wa kadai rai ti mung, Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 SAMUELA 2:2

“Kadai mung dai Madu zawn chyoi pra nga ai n rai; shi zawn re ai mi kadai n nga, anhte a Karai Kasang zawn makawp maga la lu ai wa kadai n nga ai.