MAHTE 19:13 - Jinghpaw Common Language Bible 2009

¹³ Masha nkau mi gaw, ma kaji ni a ntsa e lata mara da nna akyu hpyi ya mu ga nga nna, Yesu hpang de shanhte hpe woi sa mu ai. Sape ni mahtang shanhte hpe hkap daru kau mu ai.

Jinghpaw Hanson Version Bible

¹³ Shaloi, ma kaji ni a ntsa e lata mara da nna, akyu hpyi ya mu ga, shi hpang de shanhte hpe woi sa mu ai: sape ni mahtang shanhte hpe hkap daru kau mu ai.

MAHTE 19:13 ပူးပေါင်းရင်းမြစ်များ

NINGPAWT NINGHPANG 48:1

Dai hpang kade n na yang, shi a kawa machyi nga ai hpe Yosep na wu ai. Dai rai nna shi a kasha Manashe hte Ehprim yan hpe woi let Yaku hte wa hkrum na matu sa mat wa ma ai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

MAHTE 16:22

Dai rai nna Petru gaw, Yesu hpe shaga la nna, “Dai nang hta n byin u ga,” ngu nna shi hpe jet kau wu ai.

MAHTE 19:12

Hpa majaw nga yang, masha nkau mi gaw kanu a hkritung nna la jasi tai mat ma ai; nkau mi gaw masha a lata hte la jasi tai mat ma ai; bai nkau mi gaw sumsing Mungdan a akyu hpe tau nna dinghku n de ma ai.”

MAHTE 20:31

Shawa masha ni gaw, shan atsin sha nga mat mu ga, daru jet kau mu ai; rai ti mung shan gaw, “Dawi a Kasha Wa e, an hpe matsan dum la mi law!,” ngu nna grau jahtau ma ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

1 KORINHTU 7:14

Hpa majaw nga yang, n kam n sham ai madu wa gaw, kam sham ai madu jan a jaw e mung, n kam n sham ai madu jan gaw, kam sham ai madu wa a jaw e mung, shachyoi shapra ai hkrum nna Karai Kasang e hkap la ging ai ni tai wa lu ma ai; dai hku n rai yang gaw, nanhte a kashu kasha ni n san n seng ai maigan kashu kasha ni tai na ma ai; ya chyawm gaw, Karai Kasang e hkap la ging ai ni shanhte tai ma ai.

1 SAMUELA 1:24

Ma dai hpe chyu jahka kau ngut ai hpang, masum ning du sai usu langai, shadung pawng kru, sabyi ntsin tau mi hte hpawn Shilo mare de woi sa wa wu ai. Hana mahtang dai ma hpe Shilo mare na dai Madu a nta de Samuela hpe woi sa ai shaloi, shi naw kaji nga lu ai.