MAHTE 19:11 - Jinghpaw Common Language Bible 2009

¹¹ Yesu shanhte hpe htan mu ai gaw, “Ndai sharin shaga ai lam gaw, masha shagu hta akyu jashawn lu nga ai n rai, rai ti mung Karai Kasang kaw na karum ai lam lu la ai ni sha n hkungran ai hkam nga lu ma ai.

Jinghpaw Hanson Version Bible

¹¹ Shaloi shi shanhte hpe tsun mu ai gaw, “Masha mahkra dai ga hpe hkam nga lu ma ai. n rai; hkam nga lu na chyeju lu la ai ni sha, hkam nga lu ma ai.

MAHTE 19:11 ပူးပေါင်းရင်းမြစ်များ

MAHTE 13:11

Yesu gaw, “Sumsing Lamu a Mungdan a makoi magap da ai sung htum ai lam ni hpe chye lu na ahkang nanhte hpe jaw da sai; rai ti mung kaga ni gaw dai ahkang n lu ma ai.

MAHTE 19:10

Dai rai nna shi a sape ni gaw, “Tinang a madu jan hte madu wa a lapran dai hku rai nga yang gaw, n hkungran yang mahtang grau mai nga ai,” ngu mu ai.

MAHTE 19:12

Hpa majaw nga yang, masha nkau mi gaw kanu a hkritung nna la jasi tai mat ma ai; nkau mi gaw masha a lata hte la jasi tai mat ma ai; bai nkau mi gaw sumsing Mungdan a akyu hpe tau nna dinghku n de ma ai.”

1 KORINHTU 7:17

Masha langai hte langai gaw, shi hpe Karai Kasang garan jaw ai chyeju kumhpa hte maren, Karai Kasang shaga lata la ai ten hta nga ai mabyin masa hte maren matut nna asak hkrung nga u ga. Ndai gaw hpung shagu hpe ngai hkaw tsun sharin shaga ai tara lam rai nga ai.

1 KORINHTU 7:2

Rai ti mung hpye ai amu nau wa law htam nga ai majaw, dai hpe koi gam na matu lasha shagu gaw shi a madu jan lu u ga, numsha shagu mung shi a madu wa lu u ga.

1 KORINHTU 7:35

Ndai lam ngai tsun nga ai gaw, ngai nanhte hpe karum mayu ai majaw tsun ai re. Nanhte hpe tara hte jum manat da na matu n rai. Nanhte hpe teng man htap htuk nna lam jaw ai hku hkan sa galaw shangun mayu ai hta n ga, Madu a magam hta ngam da ai lam n nga hkra awm dawm ap nawng daw jau shangun mayu ai majaw she ngai ndai lam tsun nga nngai.