MAHTE 18:8 - Jinghpaw Common Language Bible 2009

⁸ “Na a lata, shing n rai, na a lagaw nang hpe makam masham hta myit kataw shangun n yang gaw, dai hpe kahtam dut kabai kau u! Lagaw lata hkum hkum re ai hte htani htana wan hta jahkrat kau ai hkrum na hta, lagaw shing n rai, lata n lawm ai sha asak hkrung ai de shang na gaw, grau mai nga ai.

Jinghpaw Hanson Version Bible

⁸ Na a lata, shing n rai, na a lagaw nang hpe myit kataw shangun n yang gaw, dai hpe kahtam dut kabai kau u: lagaw lata hkum hkum re ai hte, htani htana wan hta jahkrat kau ai hkrum na hta, hkum daw hten ai hte asak hkrung ai de shang na gaw, grau mai nga ai.

MAHTE 18:8 ပူးပေါင်းရင်းမြစ်များ

ESAIA 30:22

Nanhte gaw gumhpraw hte sup ai hpara sumla ni hte ja hte sup ai hpara sumla ni hpe la nna matsat shabat arai zawn dai ni hpe kabai kau nna, “Nye a man kaw na pru mat wa mu!,” ngu nna jahtau tsun na rai myit dai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

EZEKELA 18:31

Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

LUKA 16:24

Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

ROMA 13:12

Shana ahkying lai magang wa nna shani nhtoi du magang wa ra ai. Dai re ai majaw nsin hte seng ai bungli ni hpe raw sharun kau nna, nhtoi a hpyen hking hpe dagraw nga ga.

SHINGRAN 14:10

Karai Kasang a pawt sindawng kahtet ngu ai gawm hta hpring hkra ru bang tawn ai grai ja ai pawt bu ngu ai sabyi ntsin hpe lu lu na ra ai. Dai hta n ga, shi gaw chyoi pra ai lamu kasa ni a man e mung, dai Sagu Kasha a man e mung, wan hte kan kayau ai hta nni nkri zingri ai hkrum na ra ai.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.