MAHTE 18:6 - Jinghpaw Common Language Bible 2009

⁶ “Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

Jinghpaw Hanson Version Bible

⁶ Ngai hpe kamsham nga ai, ndai ma kaji ni hta na langai mi hpe, myit kataw shangun ai wa kadai mung, shi a du hta htumrin lung kaba noi nna, nawng na sung htum ai shara de jahkrat kau na gaw, ging nga ai.

MAHTE 18:6 ပူးပေါင်းရင်းမြစ်များ

SHAKAWN KUNGDAWN 105:15

Madu gaw, “Ngai lata san da sai shangun ma ni hpe hkum machyi shangun myit, nye a myihtoi ni hpe hkum hkra ya mi,” nga nna hkawhkam ni hpe sadi jaw nu ai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

MAHTE 17:27

Rai ti mung, an a majaw shanhte myit n kataw mu ga, nawng de sa nna nga myek jahkrat bang u; shawng lu ai nga hpe shaw la nhtawm, nga n-gup gang mahka dat yang, Shekela pa mi nang mu na ndai; dai hpe la nna, ngai hte na a matu shanhte hpe ya u,” ngu nna shi hpe tsun wu ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye wa gaw, n hkraw nga ai.

MAHTE 18:5

Ndai ma kaji zawn re ai wa langai mi hpe, nye a mying hpe tau nna hkap la ai wa kadai mung, ngai hpe hkap la nga ai.

MARKU 9:42

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.

KASA 9:5

Shaloi shi gaw, “Madu e nang kadai rai nga n ta?,” ngu nna san wu yang, dai nsen gaw “Nang zingri zingrat ai Yesu rai nga nngai.

ROMA 14:21

Na nhpu nnau wa hpe myit kataw shangun na lam rai yang gaw shan sha ai, sabyi lu ai shing n rai hpa baw sha hpa rai ti mung koi gam na gaw mai kaja ai lam rai nga ai.