MAHTE 18:4 - Jinghpaw Common Language Bible 2009

⁴ Ndai ma kaji zawn tinang a myit shanem ai wa kadai rai ti mung sumsing lamu a Mungdan hta grau kaba ai wa tai na ra ai.

Jinghpaw Hanson Version Bible

⁴ Ndai ma kaji zawn, tinang a myit shanem ai wa kadai rai timung, sumsing lamu a mungdan hta, grau kaba ai wa tai na ra ai.

MAHTE 18:4 ပူးပေါင်းရင်းမြစ်များ

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

MAHTE 18:1

Dai ahkying hta sape ni gaw Yesu hpang de sa du nna, “Sumsing lamu a Mungdan hta kadai wa mahtang grau kaba nga a ta?,” ngu nna san mu ai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 18:5

Ndai ma kaji zawn re ai wa langai mi hpe, nye a mying hpe tau nna hkap la ai wa kadai mung, ngai hpe hkap la nga ai.

MARKU 10:43

Nanhte shada da hta chyawm gaw dai hku rai na n rai: nanhte hta na grau kaba ai wa tai mayu ai wa kadai rai ti mung, shi gaw kaga ni a shangun ma tai lu na rai nga ai.

MARKU 9:34

Rai ti mung shanhte atsin sha nga ma ai, hpa majaw nga yang, shanhte hta na kadai wa mahtang grau kaba ai wa rai nga ai kun? nga nna lam hkan e shanhte shada da tsun dangrang hkat nga ma ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

LUKA 9:48

“Ndai ma hpe nye a mying a majaw hkap la ai wa kadai mung, ngai e shangun dat ai wa hpe hkap la ai rai nga ai, dai rai nna, nanhte mahkra hta grau kaji ai wa gaw, grau kaba ai wa rai nga ai,” ngu mu ai.

YAKU 4:10

Nanhte gaw nanhte a hkum hpe dai Madu a man e shagrit shanem nga mu; shing rai yang shi nanhte hpe shagrau shatsaw na marin dai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.