MAHTE 18:27 - Jinghpaw Common Language Bible 2009

²⁷ Dai rai nna, hkawhkam wa gaw shi hpe matsan dum nna, shi hka raw kau ya nna dat dat wu ai.

Jinghpaw Hanson Version Bible

²⁷ Dai rai nna, mayam a madu gaw shi hpe matsan dum nna, dat dat wu ai hte, shi a hka raw kau ya wu ai.

MAHTE 18:27 ပူးပေါင်းရင်းမြစ်များ

NEHEMIA 9:17

Shanhte gaw ga n madat ma ai; shanhte gaw nang galaw ai amu yawng mayawng hpe malap kau ma ai; shanhte gaw nang galaw dan sai mauhpa amu ni hpe malap kau manu ai. Shanhte gaw gumrawng ai myit hte mayam tai nga ai Egutu mung de shanhte hpe woi nhtang sa wa na matu ningbaw langai san da ma ai. Rai ti mung nang gaw mara dat ya ai Karai Kasang rai nga ndai; nang gaw chyeju myit rawng nna tsaw ra ai hte hkam sharang lu ai wa rai nga ndai. Na a matsan dum ai myit gaw galu kaba nga nna; nang gaw shanhte hpe kau da nga ai n rai.

SHAKAWN KUNGDAWN 145:8

Madu gaw tsaw ra ai hte matsan dum ai wa rai nga nna; shi gaw pawt sindawng ai hpe hkam sharang ai hte dinggrin tsaw ra myit hte hpring nga ai.

SHAKAWN KUNGDAWN 78:38

Rai ti mung, Karai Kasang gaw shi a amyu masha ni hpe matsan dum nga ai; shi shanhte hpe n shamyit kau ai sha, shanhte a yubak hpe raw dat kau ya nu ai. Shi gaw shi a masin kahtet ai lam hpe law law lang shakawp da nna; shi a pawt sindawng ai hpe hkum shadang da nga ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

MAHTE 18:28

“Shaloi shangun ma dai wa nan pru hkawm nna shi kaw pyeksan latsa hka kap ai mayam manang langai mi hpe hkrum jang, shi hpe magra dun la nna du manat da ya let, ‘Ngai hpe jaw ra ai hka wa rit!,’ ngu wu ai.

MAHTE 18:32

Shaloi jang shi gaw dai shangun ma hpe shaga la nna, ‘Akyu n rawng ai yamti, nang ngai hpe hpyi nem ai shaloi nang kap ai hka yawng ngai raw kau ya sade ai.

LUKA 7:42

Dai yan gaw hka wa na n lu ma ai majaw hka madu gaw shan lahkawng hpe shalawt dat wu ai. Shing re ai majaw, dai yan hta kadai wa mahtang shi hpe grau tsaw ra na ma ta?,” ngu wu ai.

LUKA 7:43

Simun gaw, “Grau law shalawt kau ya ai wa rai na re ai, ngai nawn nngai,” ngu nna htan wu ai. Yesu gaw, “Nang hparan ai hku jaw sai,” ngu wu ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.