MAHTE 18:25 - Jinghpaw Common Language Bible 2009

²⁵ Dai shangun ma wa gaw hka wa na hpa mung n lu ai majaw, mayam hpe zawn shi hte rau shi a madu jan, shi a kasha ni hte shi lu malu yawng hte hpe dut kau nna hka wa u ga, ngu nna hkawhkam wa hkang da wu ai.

Jinghpaw Hanson Version Bible

²⁵ Hka wa na, shi hpa mung n lu ai majaw, shi hkum, shi a madu jan, shi a kasha ni mung, shi lu malu yawng hte hpe mung, dut kau nna hka wa u ga, nga nna shi a madu hkang da nga ai.

MAHTE 18:25 ပူးပေါင်းရင်းမြစ်များ

2 HKAWHKAM 4:1

Myihtoi hpung mi na myihtoi langai mi a gaida jan gaw Elisha hpang de sa nhtawm, “Madu e, nye a madu wa si mat sali ai! Nang chye ndai hte maren, shi gaw Karai Kasang hpe hkrit kamyin ai masha langai mi rai nga ai; rai ti mung shi hpe gumhpraw hkoi ya ai wa hpe mahtang nye madu wa a hka a majaw nye a shadang sha lahkawng yan hpe mayam hka jahkaw la na nga, sa wa nga ai,” ngu nna tsun wu ai.

NEHEMIA 5:5

Anhte gaw anhte a Yuda hpu nau ni hte amyu langai sha rai nga ga ai. Anhte a kashu kasha ni gaw shanhte a kashu kasha ni zawn rai nga ai n rai ni? Rai ti mung anhte gaw anhte a kashu kasha ni hpe mayam shatai kau nga ga ai. Anhte a shayi sha nkau mi hpe pyi, mayam ni zawn dut kau rau saga ai. Anhte a yi sun ni hte sabyi sun ni gaw anhte a lata kaw nna madu la kau hkrum nga saga ai majaw anhte gaw matsan mayan hkrum nga ga ai,” ngu nna naw tsun nga ma ai.

NEHEMIA 5:8

“Maigan masha ni a lata de dut kau hkrum ai anhte a Yuda kahpu kanau ni hpe anhte dang lu ai made mari shaw la la rai ga ai. Ya chyawm gaw anhte mahtang nanhte a hpu nau majing ni hpe shanhte a hpu nau Yuda ni hpe nanhte a lata de dut kau dat ya na shadut shagyeng nga myit dai!,” ngu nna tsun we ai. Ningbaw ni atsin sha nga nga ma ai rai nna, tsun na hpa mung n mu tam lu ma ai.

PRU MAT 21:2

Nang gaw Hebre mayam langai mari ai rai yang, shi gaw na a matu kru ning daw jau ya lu na rai wu ai. Sanit ning ngu na shaning hta chyawm gaw manu jahpu hpa mung n jaw ra ai sha, shalawt kau dat ai shi hkrum na rai wu ai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

JAW JAU 25:39

Nang hte ani sha nga ai Israela hpu nau wa matsan mayan hkrum nna shi hkum nan nang kaw mayam tai na nga, sa dut ai rai yang, nang shi hpe mayam zawn galaw shangun lu na n rai.

MAHTE 18:24

Shi gaw jahpan jep san hpang wa yang, gumhpraw lap sen law law hka kap ai masha langai mi hpe shi kaw woi sa mu ai.

LUKA 7:42

Dai yan gaw hka wa na n lu ma ai majaw hka madu gaw shan lahkawng hpe shalawt dat wu ai. Shing re ai majaw, dai yan hta kadai wa mahtang shi hpe grau tsaw ra na ma ta?,” ngu wu ai.