MAHTE 18:24 - Jinghpaw Common Language Bible 2009

²⁴ Shi gaw jahpan jep san hpang wa yang, gumhpraw lap sen law law hka kap ai masha langai mi hpe shi kaw woi sa mu ai.

Jinghpaw Hanson Version Bible

²⁴ Ga jahpan la nga a yang, gumhpraw mun mi hka kap ai masha langai mi hpe, shi kaw woi sa mu ai.

MAHTE 18:24 ပူးပေါင်းရင်းမြစ်များ

NINGPAWT NINGHPANG 44:10

Shi gaw, “Ngai myit hkrum ya nngai; rai ti mung dai gawm hpe la ai wa chyu sha nye a mayam tai lu na, nanhte hta na ngam ai ni yawng chyawm gaw lawt lu na rai myit dai,” ngu nna tsun mu ai.

1 HKAWHKAM LABAU 29:7

Nawku Htingnu galaw na matu nga nna jaw ya sai aja tan 190, gumhpraw tan 380, magri mang tan 675, hpri tan 3,750 hte rai nga ai.

EZRA 9:6

Ngai gaw, “O Karai Kasang e, anhte a yubak gaw baw lim hkra sumpum nga nna, dai ni gaw sumsing lamu du hkra dep nga ai majaw, na a man e nye a baw sharawt lu na ngai nau wa kaya nga nngai.

SHAKAWN KUNGDAWN 38:4

Ngai gaw nye a yubak mawru kata hta lup mat wa nga nngai; dai ni gaw tsin-yam lit langai mi rai nga nna, hkam sharang lu na matu, nau li la nga ai.

SHAKAWN KUNGDAWN 40:12

Ngai gaw ru tsang law law hte gawan da hkrum ai wa rai nga nngai dai gaw n dang hti hkra law la nga ai! Ngai loi mi pyi n mu mada lu hkra, nye a yubak ni mung ngai hpe dep nang mat sai; dai gaw nye baw na kara ni hta grau law ai rai nna, nye a myit gawng run mat sali ai.

MAHTE 18:23

Dai rai nna sumsing lamu a Mungdan gaw, shi a mayam ni hpe jahpan jep san mayu ai hkawhkam wa langai mi hte bung nga ai.

MAHTE 18:25

Dai shangun ma wa gaw hka wa na hpa mung n lu ai majaw, mayam hpe zawn shi hte rau shi a madu jan, shi a kasha ni hte shi lu malu yawng hte hpe dut kau nna hka wa u ga, ngu nna hkawhkam wa hkang da wu ai.

MAHTE 25:15

Shi gaw langai hkrai hpe shi a atsam hte maren, langai wa hpe gumhpraw joi manga, kaga wa hpe joi lahkawng, bai kaga wa hpe joi mi di nna jaw da nhtawm, hkawm sa mat wa ai.

MAHTE 25:16

Shaloi jang gumhpraw joi manga lu ai wa gaw pru sa nna, dai hte hpaga ga wu yang, kaga joi manga myat la nu ai.

MAHTE 25:20

Gumhpraw joi manga arang ai wa gaw, kaga manga lang let, sa du nna, ‘Madu e, nang ngai hpe gumhpraw joi manga arang shapraw ya da ndai. Yu u! Kaga joi manga ngai myat la lu nngai!,’ ngu wu ai.

MAHTE 25:22

“Dai hpang joi lahkawng lu ai wa mung sa du nna, ‘Madu e, gumhpraw joi lahkawng nang ngai hpe ap ya da ndai. Yu u! kaga joi lahkawng ngai myat la lu nngai!,’ ngu wu ai.

MAHTE 25:24

“Gumhpraw joi mi arang ai wa chyawm gaw sa du nna, ‘Madu e, grai yak la ai wa nang rai nga ndai hte, nang n gat ai shara na nang dan la nna, nang n ayai ai shara na nang magawn la ndai hpe ngai chye nga nngai.

LUKA 13:4

Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?

LUKA 16:5

Shing rai shi gaw, shi a madu kaw hka kap nga ai ni yawng hpe shaga la nhtawm, langai wa hpe, ‘Nye a madu kaw nang hka gade kap n ta?,’ ngu nna san wu ai.

LUKA 16:7

Bai kaga wa hpe mung, ‘Nang jaw ra ai hka gade kap n ta?,’ ngu nna san wu yang, dai wa gaw, ‘Hkaulan mam dang hkying mi manga tsa kap nngai,’ ngu wu ai. Hpareng wa gaw, ‘Na a jahpan laika la nna, matsat tsa ngu nna ka da u,’ ngu wu ai.