MAHTE 18:22 - Jinghpaw Common Language Bible 2009

²² Yesu gaw, “Ngai nang hpe tsun de ga, sanit lang du hkra sha n rai, sanit shi e htam sanit lang du hkra mai rai nga ai,” ngu wu ai.

Jinghpaw Hanson Version Bible

²² Yesu gaw, “Sanit lang du hkra sha n rai; sanit shi e htam sanit lang du hkra, mai rai nga ai, ngai nang hpe tsun de ai,” ngu wu ai.

MAHTE 18:22 ပူးပေါင်းရင်းမြစ်များ

NINGPAWT NINGHPANG 4:24

Ka-in hpe sat ai wa yubak matai htang sanit hkrum ai rai yang; Ngai hpe sat ai wa kadai rai ti mung, yubak matai htang sanit shi sanit hkrum lu na ra ai,” ngu nna tsun wu ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MAHTE 18:23

Dai rai nna sumsing lamu a Mungdan gaw, shi a mayam ni hpe jahpan jep san mayu ai hkawhkam wa langai mi hte bung nga ai.

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

ROMA 12:21

N hkru n kaja ai gaw nang hpe n dang kau u ga, shing rai na malai mai kaja ai hte n hkru n hkra ai hpe dang kau u.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.