MAHTE 18:16 - Jinghpaw Common Language Bible 2009

¹⁶ Na a ga hpe n madat la yang gaw, marai langai lahkawng hpe naw shaga la nna hpa hku hpa lam rai ti mung nang mara madun ai lam teng nga ai lam dai Chyum Laika hta tsun da nga ai hte maren, sakse lahkawng masum a n-gup ga hte daw dan ya mu.

Jinghpaw Hanson Version Bible

¹⁶ Na a ga hpe n madat la yang gaw, marai langai lahkawng hpe naw shaga la nna, hpa hku hpa lam rai timung, sakse lahkawng masum a n-gup ga hte dawdan ya mu.

MAHTE 18:16 ပူးပေါင်းရင်းမြစ်များ

1 HKAWHKAM 21:13

Dai hpang masha gumbyak lahkawng yan gaw Karai Kasang hpe mung, hkawhkam wa hpe mung matsa kau ai ngu nna Nabot hpe shawa man e mara shagun da mu ai. Shing rai mare shinggan de shi hpe woi shapraw mat wa nhtawm nlung hte kabai sat kau mu ai.

BU HKAWM 35:30

“Masha sat amu hte mara shagun hkrum ai wa gaw shi shut hpyit kau ai rai yang, marai lahkawng shing n rai dai hta jan ai sakse ga hte sat kau ai hkrum na rai wu ai; marai langai ngai a sakse ga hte sha masha sat amu hte mara shagun ai amu hpe hkum dingnum madi shadaw lu nga ai n rai.

YAWHAN 8:17

Nanhte a Tara laika hta, ‘Sakse lahkawng yan tsun ai lam myit hkrum jang, shanhte tsun ai ga teng nga ai,’ nga nna ka da nga ai.

2 KORINHTU 13:1

Ya ngai gaw nanhte hpang de masum lang ngu na bai du sa wa na nngai. Chyum laika hta mung, “Mara shagun da ai lam langai ngai hpe chye ya ai sakse lahkawng, shing n rai lahkawng hta jan ai sakse ni a ga hte shagrin da lu na rai nga ai,” nga nna tsun da nga ai.

TARA JAHPRANG 17:6

Rai ti mung marai lahkawng masum shi a lam sakse hkam ai rai yang chyu sha sat kau ai hkrum mai nga ai. Sakse langai sha rai yang chyawm gaw si ai hkrum lu na wu ai n rai.

TARA JAHPRANG 19:15

“Ru hka amu galaw shut ai mara gawn lu na matu sakse langai sha hte n law nga ai; dai masha wa mara lu nga ai hpe shagrin na matu yawm dik sakse lahkawng ra nga ai.

1 TIMOHTI 5:19

Sakse hkam ai masha n law htum marai lahkawng masum n nga yang gaw hpung woi wa hpe mara shagun ai ga hpe n mai madat ya ai.

HEBRE 10:28

Mawshe a Tara hpe n madat n mara tawt lai ai wa kadai mung, sakse lahkawng masum a ga hte mara lu ai ngu nna daw dan hkrum ai rai yang, matsan n dum ai sha si ari jaw ai hkrum ma ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.