MAHTE 18:11 - Jinghpaw Common Language Bible 2009

¹¹ Dai Masha Kasha gaw mat mat ai ni hpe hkye la na matu du sa ai rai nga ai.

MAHTE 18:11 ပူးပေါင်းရင်းမြစ်များ

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 15:24

Shaloi Yesu gaw, “Israela dap na dam mat wa ai sagu ni a matu sha ngai hpe shangun dat nngai,” ngu wu ai.

MAHTE 18:12

“Nanhte kaning ngu myit da mu ta? Masha langai mi sagu latsa lu nna, dai hta na langai mi dam mat yang, dai jahku shi jahku hpe kawng marawn wudat shara hkan e tawn da nhtawm, dam mat ai sagu hpe sa tam na ra ai.

MAHTE 9:12

Shi gaw dai ga na jang, “Hkam kaja ai ni tsi sara n ra ma ai; machyi ai ni sha ra ma ai.

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

LUKA 9:56

Dai hpang Yesu hte shi a sape ni gaw kahtawng kaga de sa mat wa ma ai.

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

YAWHAN 12:47

Nye a mungga na la nhtawm dai hpe n hkan nang ai wa kadai hpe mung, ngai jeyang na n rai; hpa majaw nga yang, mungkan ga hpe jeyang na matu ngai du sa nngai n rai, dai hpe hkye la na matu she sa nngai.

YAWHAN 3:17

Karai Kasang gaw shi a Kasha hpe mungkan ga de shangun dat ai gaw, mungkan masha ni hpe tara dara na matu n rai, shi a marang e hkye hkrang la ai hkrum na she, shangun dat wu ai.

1 TIMOHTI 1:15

Yubak kap ai ni hpe hkye hkrang la na matu Hkristu Yesu gaw mungkan ga de du sa ai nga ai ga gaw, tup hkrak hkap la nna kam sham ging ai teng man kangka re ai ga nan rai nga ai. Dai yubak kap ai ni hta ngai mahtang kaba htum ai wa rai nga nngai.